+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

سولتۇستىك قازاقستاندا قاڭعىرعان مال ءۇشىن 4 مىڭعا جۋىق تۇرعىن جاۋاپكەرشىلىككە تارتىلدى

16 قازان 08:10
:ءبولىسۋ
سولتۇستىك قازاقستاندا قاڭعىرعان مال ءۇشىن 4 مىڭعا جۋىق تۇرعىن جاۋاپكەرشىلىككە تارتىلدى

پەتروپاۆل. قازاقپارات - سولتۇستىك قازاقستان وبلىسىندا ءتارتىپ ساقشىلارى ءتورت تۇلىگىن بوس جىبەرىپ، باقپايتىن اۋىل تۇرعىندارىمەن كۇرەستى كۇشەيتتى.

جىل باسىنان 247 ادامعا ايىپپۇل سالىندى، دەپ حابارلايدى قازاقپارات ءتىلشىسى.

وتكەن اپتادا كوپتەگەن جەرگىلىكتى پابليكتەردە ع. مۇسىرەپوۆ اتىنداعى اۋداننىڭ تۇرعىنى چەرۆوننوە- نوۆويشيمسكوە جولىندا 18 جىلقىنىڭ قاراۋسىز جۇرگەنى تۋرالى ۆيدەو جاريالاپ، جىلقىلاردىڭ اۆتوكولىك قوزعالىسىنا كەدەرگى كەلتىرىپ جاتقانىن كورسەتتى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ع. مۇسىرەپوۆ اتىنداعى اۋداننىڭ ءتارتىپ ساقشىلارى جىلقىلاردىڭ يەسىن انىقتادى. نوۆويشيمكا اۋىلىنىڭ 1962 -جىلى تۋعان تۇرعىنىنا مالىن قاراۋسىز جىبەرگەنى ءۇشىن اكىمشىلىك حاتتاما تولتىرىلدى.

«2020 -جىلعى 4-تامىزداعى وبلىستىق ءماسليحاتتىڭ شەشىمىمەن بەكىتىلگەن جانە س ق و ادىلەت دەپارتامەنتىندە تىركەلگەن اۋىل شارۋاشىلىعى جانۋارلارىن جايۋدىڭ قاعيدالارىنا سايكەس جالپىعا ورتاق پايدالانىلاتىن جەرلەردە، تەمىر جانە اۆتوموبيل جولدارىنا بولىنگەن بەلدەۋلەردە، سۋ قورعاۋ بەلدەۋلەرى مەن سانيتاريالىق قورعاۋ ايماقتارىنىڭ شەكاراسىندا اۋىل شارۋاشىلىعى جانۋارلارىن جايۋعا بولمايدى. تامىزدان باستاپ ءبىزدىڭ اۋداندا مالدارىن قاڭعىرتىپ جىبەرگەن 53 ادام ەسكەرتىلىپ، 18 ىنە ايىپپۇل سالىندى»، - دەيدى ع. مۇسىرەپوۆ اتىنداعى اۋداننىڭ پوليتسيا ءبولىمى باستىعى مارات ءالجانوۆ.

پوليتسەيلەردىڭ ايتۋىنشا، قاراۋسىز جۇرگەن مال ۇرىلارعا وڭاي ولجا جانە جول-كولىك وقيعالارىنا سەبەپشى بولادى. جىل باسىنان وبلىستا اكىمشىلىك جاۋاپكەرشىلىككە 3886 مال يەسى تارتىلدى، 247 نە ايىپپۇل سالىندى.

اۆتور: اقەركە داۋرەنبەك قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات