10:30, 22 - قىركۇيەك 2020 | GMT +6
قىتايدا قايىق ريفكە سوعىلىپ، 4 ادام قازا تاپتى، تورتەۋى ءىز-ءتۇزسىز جوعالعان
فۋچجوۋ. شينحۋا- قازاقپارات - دۇيسەنبى كۇنى وڭتۇستىك قىتايداعى شانتوۋ قالاسىنىڭ ماڭىندا بالىق اۋلايتىن قايىقتىڭ سۋ استىنداعى تاستارعا سوعىلۋى سالدارىنان ءتورت ادام قازا تاۋىپ، تاعى تورتەۋى ءىز-ءتۇزسىز جوعالىپ كەتتى.
بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.
وقيعا 21- قىركۇيەك كۇنى شامامەن تاڭعى ساعات 6 دا ورىن العان. فۋتسزيان پروۆينتسياسىنىڭ بالىق اۋلايتىن كەمەسى گۋاندۋن پروۆينتسياسىنداعى شانتوۋ قالاسىنىڭ ناناو ارالىنان وڭتۇستىك- شىعىسقا قاراي شامامەن 11 تەڭىز ءميلى اراقاشىقتىعىندا ريفكە سوعىلعان.
قايىقتا 14 ادام بولعان. گۋاندۋن پروۆينتسياسىنىڭ تەڭىزدەگى ىزدەۋ-قۇتقارۋ ورتالىعىنان حابار العان فۋتسزيان پروۆينتسياسىنىڭ قۇتقارۋشىلارى دەرەۋ ىزدەۋ-قۇتقارۋ جۇمىستارىنا قوسىلدى.
التى ادام قۇتقارىلعان، تاعى تورتەۋى ءىز-ءتۇزسىز جوعالعاندار قاتارىندا. قازىرگى كەزدە ولاردى ىزدەۋ وپەراتسياسى جالعاسۋدا.