ورالدا 4 بالا جايىقتى ءجۇزىپ وتپەك بولعان

ورال. قازاقپارات - ورالدا جايىقتى ءجۇزىپ وتپەك بولعان ءتورت بالا قۇتقارىلدى، دەپ حابارلايدى قازاقپارات ءتىلشىسى.

ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا 10 -تامىز كۇنى ساعات 14.01 دە بولدى. جەدەل قۇتقارۋ جاساعىنىڭ قىزمەتكەرلەرى (2 ادام، 1 ءجۇزۋ قۇرالى) وزەندى تورۋىلداپ جۇرگەن كەزدە 12 جاستاعى ەكى، سونداي- اق 14 جانە 13 جاستاعى بالالار قۇتقارىلدى. ولار وزەندى ءجۇزىپ وتپەك بولعان. ت ج دەپارتامەنتى شومىلۋ ماۋسىمى كەزىندە ادامداردى ساقتاندىرۋ ءۇشىن شارالار كەشەنىن جۇرگىزىپ كەلەدى. سوعان قاراماستان، تۇرعىنداردىڭ سۋعا كەتۋى تىيىلماي وتىر.

بيىل وڭىردە 14 ادام سۋعا كەتسە، سونىڭ تەڭ جارتىسى - جاسوسپىرىمدەر. 6 ادام قۇتقارىلدى. سۋعا كەتۋدىڭ نەگىزگى سەبەپتەرى - اتا- انالاردىڭ بالالارىن قاراۋسىز جىبەرۋى (6 وقيعا)، ەرەسەكتەردىڭ وزەنگە ماس كۇيىندە ءتۇسۋى (5). سونداي- اق بالىق اۋلاۋ كەزىندە 1، ابايسىزدا 2 ادام باتىپ كەتكەن. اۋا تەمپەراتۋراسىنىڭ (25 گرادۋسقا دەيىن) تومەندەۋىنە بايلانىستى 1-9 -تامىز ارالىعىندا وبلىستا سۋعا كەتۋ وقيعاسى تىركەلگەن جوق.