كوپ ءتىل ءبىلۋدىڭ 4 ارتىقشىلىعى

نۇر-سۇلتان. قازاقپارات - پوليگلوت بولعاننىڭ شەتەلدىكتەرمەن ەركىن سويلەسىپ، بايلانىس ورناتۋدان دا ماڭىزدى ارتىقشىلىعى بار.

ءوزىن الداۋعا جول بەرمەيدى

بيلينگۆيستەرگە قانداي دا ءبىر ۇعىمنىڭ قاراما-قايشى قاسيەتى اسەر ەتە المايدى. مىسالى سترۋپپ تەستىنەن جىلدام، مۇدىرمەي ءوتۋ ولارعا ەشتەڭە ەمەس.

مۇندا رەت بويىنشا ءبىرىنشى سوزدەن باستاپ ءاربىر ءسوز قانداي تۇسپەن جازىلعانىن داۋىستاپ ايتىپ شىعۋ كەرەك.

بۇل تەست ميعا كەلەتىن ينستينكتكە نازار اۋدارماي، كوگنيتيۆ جۇيەگە مۇقيات بولۋدى قاجەت ەتەدى.

دەمەنتسياعا توتەپ بەرە الادى

زەرتتەۋلەرگە سۇيەنسەك، مۋلتيلينگۆيستەردىڭ ەگدە جاستا دا وي-ساناسى جۇيەلى بولادى.

دەگەنمەن، ميى بەلسەندى جۇمىس ىستەيتىن كەز كەلگەن ادام دەمەنتسياعا توتەپ بەرە الادى.

كوپ ءتىل بىلگەن ادام دەمەنتسيادان بولەك التسگەيمەر اۋرۋىنا شالدىعۋى نەعايبىل. بيلينگۆيست ادام التسگەيمەرگە دۋشار بولعاننىڭ وزىندە اۋرۋ كوگنيتيۆ فۋنكتسياعا قاتتى اسەر ەتە المايدى.

كوگنيتيۆ يكەمى بار

زەرتتەۋشىلەر انىقتاعان تاعى ءبىر ارتىقشىلىق - كوگنيتيۆ يكەم. بىرنەشە ءتىل بىلگەن ادام قانداي دا ءبىر سيتۋاتسيادا بىرنەشە كوزقاراس پەن پەرسپەكتيۆاعا يكەمدەلە الادى.

بۇل ونى كۇردەلى ماسەلەلەردە جىلدام شەشىم قابىلداۋىنا ىقپال ەتەدى.

جاڭا نارسەنى وڭاي مەڭگەرەدى

پوليگلوتتاردىڭ ميىنداعى زەيىن فۋنكتسياسى وتە جاقسى دامىعان. سونىڭ ارقاسىندا ولار جاڭا اقپاراتتى، داعدىنى وڭاي مەڭگەرەدى.

مىسالى ۆاشينگتون ۋنيۆەرسيتەتى ماماندارىنىڭ تاجىريبەسىنە سۇيەنسەك، جاڭا ءتىل مەڭگەرۋگە قابىلەتتى نەمەسە بيلينگۆيستەر Python پروگراممالاۋ ءتىلىن وزگەلەرگە قاراعاندا جىلدام ۇيرەنگەن.

Massaget.kz