09:30, 04 - ماۋسىم 2020 | GMT +6
جوردج فلويدتىڭ ءولىمى: پوليتسيادا قىزمەت ەتكەن 4 ادامعا ايىپ تاعىلدى
ۆاشينگتون. قازاقپارات - جوردج فلويدتى مويىنىن تىزەسىمەن باسىپ قيناعان ميننەاپوليستىڭ بۇرىنعى پوليتسيا قىزمەتكەرى دەرەك شوۆينگە بۇدان دا اۋىر ايىپ تاعىلدى.
پروكۋراتۋرا سونداي-اق تاعى ءۇش پوليتسيا قىزمەتكەرىنە ايىپ تاقتى، دەپ حابارلايدى قازاقپارات bbc سايتىنا سىلتەمە جاساپ.
جاريالانعان سوت قۇجاتتارىنا سايكەس، شوۆينگە ەكىنشى دارەجەلى كىسى ءولتىرۋ ارەكەتى بويىنشا تاعى جاڭا ايىپتار تاعىلعان. ۇستاۋ كەزىندە بولعان تاعى ءۇش پوليتسيا قىزمەتكەرىنە ادام ولتىرۋگە كومەكتەسۋ جانە وعان ارانداتۋ بويىنشا ايىپتار تاعىلعان.