الماتىدا ەكى بويجەتكەن كوروناۆيرۋستان ەمدەلىپ شىقتى، تاعى 4 ناۋقاستىڭ جاعدايى اۋىر
قازاقستان بويىنشا كوروناۆيرۋس ينفەكسياسىنان جازىلعاندار سانى 44 كە جەتتى. ال سوڭعى مالىمەت بويىنشا ەلىمىزدە 584 جاعداي تىركەلگەن. الماتى قالاسىندا كوروناۆيرۋس جۇقتىرۋدىڭ 116 وقيعاسى تىركەلدى. اۋرۋعا شالدىققاندارمەن بايلانىستا بولعان التى ادامنان ۆيرۋس انىقتالعان.
قازىرگى كەزدە قالانىڭ ينفەكسيالىق ستاتسيونارلارىندا COVID-19 دياگنوزى قويىلعان 96 پاتسيەنت جاتىر، ولاردىڭ ءبىرى - الماتى وبلىسىنىڭ تۇرعىنى. 79 ناۋقاستىڭ جاعدايى قاناعاتتانارلىق.
ەرەسەك ەكى ادامنىڭ جاعدايى وتە اۋىر، تاعى ەكەۋىنىڭ جاعدايى اۋىر، 13 ادام - ورتاشا اۋىر حالدە جاتىر. بۇگىن كوروناۆيرۋس دەرتىنەن ايىققان تاعى ەكى پاتسيەنت ۇيلەرىنە جىبەرىلدى.
بۇل 1997 جانە 1998 -جىلعى ەكى بويجەتكەن. ولاردىڭ ءبىرى 15-ناۋرىزدا ىستانبۇل- الماتى رەيسىمەن ۇشىپ كەلگەن، ەكىنشىسى ۆيرۋس انىقتالعان اداممەن بايلانىستا بولعان. بۇگىندە الماتىدا 21 ادام اۋرۋحانادان شىعارىلدى، سونىڭ ىشىندە ەكى بالا بار. ولاردىڭ بارلىعى 14 كۇندىك ءۇي جاعدايىنداعى كارانتيندە جاتىر.
قازىرگى كەزدە ۋاقىتشا ورتالىقتاردا 521 ادام بار، سونىڭ ىشىندە 79 ى - بالا. ەكى كۇندىك كارانتيندە 390 ازامات (48 بالا)، ال ءۇي جاعدايىنداعى كارانتيندە - 4805 ادام جاتىر.