+7 (701) 759 90 19
8 °С : نۇر-سۇلتان
5 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قىتايدا 4- ءساۋىر كوروناۆيرۋس قۇرباندارىن ازا تۇتۋ كۇنى بولىپ جاريالاندى

3 ءساۋىر 08:58
:ءبولىسۋ
قىتايدا 4- ءساۋىر كوروناۆيرۋس قۇرباندارىن ازا تۇتۋ كۇنى بولىپ جاريالاندى

بەيجىڭ. قازاقپارات - قىتايدا 4- ءساۋىر جاڭا كوروناۆيرۋس ينفەكتسياسى پاندەمياسىنان كوز جۇمعانداردى جالپى ۇلتتىق ازا تۇتۋ كۇنى بولىپ جاريالاندى.

مۇنداي شەشىمدى ق ح ر مەملەكەتتىك كەڭەسى قابىلدادى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

سەنبى كۇنى جەرگىلىكتى ۋاقىت بويىشا ساعات 10:00 دەن باستاپ ءۇش مينۋت بويى قىتاي حالقى قايتىس بولعانداردى ۇنسىزدىكپەن ەسكە الادى.

ەلدە بارلىق تۋلار تومەن ءتۇسىرىلىپ، قوعامدىق كوڭىل كوتەرۋ شارالارى توقتاتىلادى. سونداي-اق اۆتوكولىكتەر، پويىزدار مەن كەمەلەردىڭ دىبىس بەلگىلەرىن بەرەدى، سيرەنانىڭ داۋسى ەستىلىپ تۇرادى.

وتكەن تاۋلىكتە قۇرلىقتىق قىتايدا 4 ادام كوروناۆيرۋستان كوز جۇمدى، اۋرۋ جۇقتىرعاندار سانى 31 ادامعا ارتقان، تاعى 163 ادام ەمدەلىپ شىقتى، دەپ حابارلادى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتى.

بۇعان دەيىن حابارلاعانداي، 1- ساۋىردەن باستاپ قىتايدىڭ مەديتسينا بيلىگى ەلدەگى كوروناۆيرۋستىق جاعدايدىڭ كۇندەلىكتى بيۋللەتەنىنە اۋرۋ بەلگىلەرى جوق ينفەكتسيالار ەنگىزە باستادى.

«2020-جىلعى 2- ساۋىردەگى جاعداي بويىنشا قۇرلىقتىق قىتايدا كوروناۆيرۋستىڭ 60 اۋرۋ بەلگىلەرى جوق جاڭا جاعدايى تىركەلگەن، ونىڭ ىشىندە 7 ءۋى سىرتتان اكەلىنگەن. قازىرگى ۋاقىتتا مەديتسينالىق باقىلاۋدا 1027 اۋرۋ سيمپتومدارى جوق ناۋقاس بار»، - دەلىنگەن جۇما كۇنى جاريالانعان ۆەدومستۆو بيۋللەتەنىندە.

سوڭعى رەسمي دەرەكتەر بويىنشا، قۇرلىقتىق قىتايدا كوروناۆيرۋس جۇقتىرعانداردىڭ جالپى سانى 81,6 مىڭ ادامعا جەتتى، ولاردىڭ 76,5 مىڭى ساۋىعىپ شىقسا، 3322 ءسى كوز جۇمعان.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات