+7 (701) 759 90 19
24 °С : نۇر-سۇلتان
18 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

اسحات ايماعامبەتوۆ قاشىقتان وقىتۋدىڭ 4 باعىتىن اتادى

31 ناۋرىز 14:16
:ءبولىسۋ
اسحات ايماعامبەتوۆ قاشىقتان وقىتۋدىڭ 4 باعىتىن اتادى

نۇر-سۇلتان. قازاقپارات - قازاقستاندا مەكتەپتەردە ءبىلىم بەرۋ 4 باعىتتا جۇرگىزىلەتىن بولادى. بۇل تۋرالى ورتالىق كوممۋنيكاتسيالار قىزمەتىندەگى بريفينگىدە ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«قاشىقتان وقىتۋعا كەلەر بولساق، اۋىل مەكتەپتەرىنە جانە شالعايداعى شاعىن جيناقتى مەكتەپتەردە وقيتىن بالالارعا قيىن بولادى. سوندىقتان ەڭ باستى نازاردى وسى ماسەلەگە اۋدارىپ، ءتيىستى جۇمىستى باستاپ كەتتىك. جۇمىس جالپى قالاي جۇرگىزىلەدى دەگەن ساۋالعا جاۋاپ بەرەتىن بولساق، 4 باعىت بويىنشا جۇمىس جۇرگىزىپ جاتىرمىز. ءبىرىنشى باعىت - تەلەديدار ارقىلى ءتيىستى ساباقتاردى بەرۋ. قازىرگى ۋاقىتتا جۇمىس جۇرگىزىلىپ، رەسپۋبليكالىق 2 تەلەارنا كەلىسىمىن بەردى. ول - «بالاپان» مەن «ەل ارنا» تەلەارناسى. ءبىز وسى تەلەارنالار ارقىلى ساباقتارىمىزتى ءتيىستى كەستە بويىنشا كۇنىنە 8 ساعات بەرەمىز»، - دەدى مينيستر.

ونىڭ اتاپ وتۋىنشە، 4-توقساندى قامتۋ ءۇشىن 3360 ساباق ءتۇسىرۋ كەرەك. قازىرگى ۋاقىتتا وسى ساباقتاردىڭ 300-دەن استامى ءتۇسىرىلىپ، دايىن بولعان.

«ارينە، بۇل وتە كۇردەلى ماسەلە. وسىنداي ۇلكەن ىندەت بولىپ جاتقاندا ۇستازدارىمىز تەلەارنالارعا كەلىپ، ءتيىستى تۇسىرىلىمگە قاتىسۋدا. ۇستازدارىمىز تۇسىرىلىمگە دايىن بولماعان. تەلەجۇرگىزۋشى رەتىندە ءوزىن جاڭا رولدە سىناپ جاتىر. ساباقتارىن دايىنداپ، ونى 10-15 مينۋتقا تۇسىنىكتى ءارى بالا جالىقپايتىنداي دۇرىس فورماتتا بەرۋ دە ۇلكەن ەمتيحان. تۇسىرىلىمگە قاتىسىپ جاتقان ۇستازدارعا العىس ايتقىم كەلەدى»، - دەدى ول. مينيستر كەلەسى ۇلكەن باعىت - بۇل راديو ەكەندىگىن ايتتى. «ءبىز تەلەديدار سيگنالى جەتپەيتىن ەلدى مەكەندەردە قازاق راديوسى بار ەكەندىگىن جاقسى بىلەمىز. قازاق راديوسىمەن دە كەلىسىمگە كەلدىك، راديودان دا ءتيىستى كەستەگە سايكەس ساباق جۇرگىزىلەدى. ءۇشىنشى باعىت - پوشتا ارقىلى. وزدەرىڭىز دە بىلەسىزدەر، بىزدە 1200 ەلدى مەكەن بار. ولار وتە شاعىن ەلدى مەكەندەر، ولاردا 3، 4، 5 وقۋشى عانا بار. ولاردى مۇنىڭ الدىندا كۇندەلىكتى كولىكپەن مەكتەپكە الىپ كەلىپ، الىپ كەتەتىنبىز. ءبىز بۇل بالالارعا دا ءبىلىم بەرۋمىز كەرەك. سوندىقتان دا پوشتا ارقىلى دا وسى جۇمىستى جۇرگىزەمىز»، - دەدى ول.

ەلىمىزدىڭ باس ءمۇعالىمى ءتورتىنشى باعىتتا ينتەرنەت جۇيەسى ارقىلى ساباق جۇرگىزىلەتىندىگىن ايتتى.

«جالپى، قىسقا ۋاقىتتىڭ ىشىندە بىرنەشە ينتەرنەت پلاتفورمالارىن، سيفرلىق رەسرۋستاردى دايىنداپ بولدىق. ەڭ باستىسى ۇستازدارىمىز وسى تسيرفلىق پلاتفورمالاردى پايدالانا ءبىلۋ ماسەلەسىنە دە ۇلكەن كوڭىل بولۋدەمىز. سوندىقتان ءار مەكتەپتە، كوللەدجدە، ج و و- دا، ءبىلىم بولىمدەرى، باسقارمالارىندا وسى جۇمىس جۇرگىزىلىپ جاتىر»، - دەدى اسحات ايماعامبەتوۆ.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات