+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

قىزىلوردادا بۇگىن تىركەلگەن 4 ناۋقاس كوروناۆيرۋستىق ينفەكسيانى قايدان جۇقتىردى

31 ناۋرىز 13:45
:ءبولىسۋ
قىزىلوردادا بۇگىن تىركەلگەن 4 ناۋقاس كوروناۆيرۋستىق ينفەكسيانى قايدان جۇقتىردى

قىزىلوردا. قازاقپارات - قىزىلوردا وبلىسىندا كوروناۆيرۋس جۇقتىرعاندار سانى 9 ادامعا جەتتى.

بۇگىن تاعى 4 ادامنىڭ ۆيرۋس جۇقتىرعانى ناقتىلاندى، دەپ حابارلايدى قازاقپارات ءتىلشىسى.

بۇل تۋرالى قىزىلوردا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ ءمالىم ەتتى.

«قازىر قىزىلوردا وبلىسىندا كوروناۆيرۋس ينفەكسياسى بويىنشا 9 جاعداي تىركەلىپ وتىر. بۇگىن زەرتحانالىق سىناما نەگىزىندە تاعى 4 ادامنان اتالعان دياگنوز ناقتىلاندى. ولاردىڭ بارلىعى بۇدان بۇرىن تىركەلگەن ناۋقاستارمەن قارىم- قاتىناستا بولعان. بۇل ازاماتتار سوعان بايلانىستى كارانتينگە الىنىپ، وقشاۋلانعان بولاتىن. ولاردان الىنعان زەرتتەۋ وڭ ناتيجە كورسەتتى. ناۋقاستار ستاتسيونارعا، ەم الۋ ماقساتىندا جاتقىزىلدى. اتالعان ازاماتتارمەن قارىم- قاتىناستا بولۋى مۇمكىن ادامداردىڭ ءتىزىمى ناقتىلانىپ جاتىر. الداعى ۋاقىتتا ول ازاماتتار دا وقشاۋلاندىرىلادى. بۇگىنگى تاڭدا وبلىستىڭ اۋرۋحانالارىندا ەم الىپ جاتقان ناۋقاستاردىڭ جاعدايى ءبىرقالىپتى، ەمدەۋ جالعاسۋدا»، - دەدى جاقسىلىق ابدۋسامەتوۆ.

قىزىلوردادا 28-ناۋرىزدا كوروناۆيرۋس جۇقتىرعان العاشقى ادام تىركەلسە، 29-ناۋرىزدا ول ناۋقاسپەن قارىم-قاتىناستا بولعان مەدبيكەدەن دە سول دياگنوز انىقتالدى. 30-ناۋرىزدا كوروناۆيرۋس جۇقتىرعان تاعى ءۇش ناۋقاس ناقتىلاندى. سونداي-اق، قىزىلوردا وبلىسىنىڭ اكىمى گۇلشارا ءابدىقالىقوۆا وبلىس تۇرعىندارىنا ۇندەۋ جولدادى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات