12:13, 25 - اقپان 2020 | GMT +6
اقتاۋدا ءۇي قىزمەتشىسى 4 ميلليون تەڭگەدەن اسا اقشا ۇرلاعان
نۇر-سۇلتان. قازاقپارات - اقتاۋدا الاياقتىقپەن اينالىسقان ءۇي قىزمەتشىسى جازالاندى، - دەپ حابارلايدى Lada.kz ماڭعىستاۋ وبلىستىق سوتىنىڭ باسپا ءسوز قىزمەتىنە سىلتەمە جاساپ.
باسىلىمنىڭ مالىمەتىنشە، الاياق ايەل كەلتىرگەن شىعىن 4 ميلليون تەڭگەدەن اسادى. ايەل ادام ءۇي قىزمەتشىسى بولىپ جۇمىس ىستەي تۇرا، ەكى اي ۋاقىت بويى ءۇيدىڭ يەسىن توناپ كەلگەن.
«سوت كلينينگ قىزمەتىن كورسەتكەن ايەلدىڭ ءۇي يەلەرى بولماعان كەزدە ۇرلىق جاساعانىن انىقتادى. بۇل جاعداي قازان جانە قاراشا ايلارى ارالىعىندا بولعان. كەلتىرىلگەن شىعىن - 4189960 تەڭگە»، - دەپ حابارلادى سوتتاعىلار.
وسىلايشا، سوتتىڭ ۇكىمىمەن ايەل ءۇش جىلعا شارتتى تۇردە سوتتالدى.