اۋا رايىنىڭ ناشارلاۋىنان 4 وڭىردە جەدەل شتابتار جۇمىسىن قايتا باستادى

نۇر-سۇلتان. قازاقپارات - اۋا رايىنىڭ ناشارلاۋىنا بايلانىستى ق ر ىشكى ىستەر مينيسترلىگى توتەنشە جاعدايلار كوميتەتىندە جانە بىرنەشە وڭىردە جەدەل شتابتاردىڭ جۇمىستارى جانداندىرىلدى، دەپ حابارلايدى قازاقپارات.

«اۋا رايىنىڭ بۇزىلۋىنا بايلانىستى 13- اقپان كۇنى توتەنشە جاعدايلار كوميتەتىندە جانە اقمولا، قاراعاندى، پاۆلودار وبلىستارى، نۇر-سۇلتان قالالارىندا جەدەل شتابتار جۇمىستارىن قايتا باستادى. سونداي-اق شۇعىل جەلى جۇمىسىن جالعاستىرىپ جاتقانىن ەسكە سالامىز»، - دەدى ق ر ءى ءى م ت ج ك- دان.

ءمالىم ەتىلگەندەي، 14- اقپان تاڭەرتەڭگى ساعات 06:00 دەگى جاعداي بويىنشا ەلىمىزدە 40 اۆتوتراسسا جابىق تۇر. ونىڭ 12 ءسى رەسپۋبليكالىق، 28 ءى وبلىستىق ماڭىزى بار جولدار. وتكەن تاۋلىكتە 41 ادام قۇتقارىلدى، ونىڭ ەكەۋى - بالالار، 30 ادام ەۆاكۋاتسيالاندى. قار قۇرساۋىنان 2 كولىك شىعارىلدى.

«قازگيدرومەت 14- اقپاندا 6 وڭىردە ەسكەرتۋ جاريالادى. وسىعان بايلانىستى ءبىزدىڭ ۇسىنىستارىمىزدى ەسكەرىپ، ەلدى مەكەندەردەن تىس جەرگە شىقپاۋدى سۇرايمىز»، - دەلىنگەن ت ج ك حابارلاماسىندا.