جاپونيا جاعالاۋىنداعى كرۋيزدىك لاينەرىندە قازاقستاننىڭ 4 ازاماتى بار

نۇر- سۇلتان. قازاقپارات - Diamond Princess لاينەرىندە قازاقستاننىڭ 4 ازاماتى بار. بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى، دەپ حابارلايدى قازاقپارات ءتىلشىسى.

«جاپونيا جاعالاۋىنداعى Diamond Princess كرۋيزدىك لاينەرىندە 50 مەملەكەتتىڭ 3700 ازاماتى وقشاۋلانعانى بەلگىلى. ولاردىڭ ىشىندە كوروناۆيرۋس جۇقتىرعان 174 جولاۋشى انىقتالىپ وتىر. لاينەردە قازاقستان رەسپۋبليكاسىنىڭ 4 ازاماتى دا بار. ولاردىڭ جاعدايى جاقسى، ۆيرۋستان ءدىن امان. كارانتين 19- اقپاندا اياقتالادى» ، - دەدى دياس احمەتشارىپ.