دەنساۋلىق مينيسترلىگى شۇعىل 4 ميلليونعا جۋىق بەتپەردەگە تاپسىرىس بەردى

نۇر-سۇلتان. قازاقپارات - قازاقستاننىڭ اۋرۋحانالارىنا قوسىمشا ءتورت ميلليونعا جۋىق بەتپەردە ساتىپ الىنادى.

بۇل تۋرالى ارنايى وتكىزىلگەن باسپا ءسوز ءماسليحاتىندا باس سانيتار جانداربەك بەكشين مالىمدەدى دەپ حابارلايدى Sputnik قازاقستانعا سىلتەمە جاساپ.

«اۋرۋحانالار ءۇشىن ءبىز شۇعىل قوسىمشا مەديتسينالىق بەتپەردەلەردى ساتىپ الىپ جاتىرمىز.

اتاپ ايتقاندا، 2,5 ميلليون جاي بەتپەردە، 1,3 ميلليون رەسپيراتورلىق بەتپەردە، ءبىر رەت قولدانىلاتىن جانە كاسىبي كوستيۋمدەر بار. بۇدان بولەك، دياگنوستيكالىق اپپاراتۋراعا ارنالعان قۇرال-جابدىقتار ساتىپ الىنادى»، - دەدى بەكشين.

ونىڭ ايتۋىنشا، اۋىر ناۋقاستاردى تاسىمالداۋعا ارنالعان 30 كاپسۋلا دا جەتكىزىلەدى. ودان سوڭ قوسىمشا 33 تەپلوۆيزور ساتىپ الىنادى.

«سونىمەن قاتار ءبىز وتاندىق ءونىم وندىرۋشىلەردەن داكەدەن جاسالاتىن بەتپەردەلەردى كوپتەپ جاساۋدى سۇرادىق»، - دەپ اتاپ ءوتتى باس سانيتار.

ەسكە سالا كەتەيىك، بۇعان دەيىن ەلىمىزدىڭ باس سانيتار دارىگەرى جانداربەك بەكشين دە ق ح ر اۋماعىندا تاراعان كوروناۆيرۋستىڭ جاڭا تۇرىنەن قالاي قورعانۋعا بولاتىنىن ايتىپ بەرگەن ەدى.

الماتىلىق ساراپشى مامان كوروناۆيرۋستى كىمدەر تەز جۇقتىرۋى مۇمكىن ەكەنىن، سونداي-اق، «ءولىم ۆيرۋسىنىڭ» الدىن-الۋ جولدارىن ايتتى.