+7 (701) 759 90 19
-1 °С : نۇر-سۇلتان
7 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

پرەزيدەنتتىك كادر رەزەرۆى: 4 تىلدە سويلەيتىن اقتوبەلىك شەتەلدەگى جۇمىستان باس تارتتى

20 قاڭتار 15:50
:ءبولىسۋ
پرەزيدەنتتىك كادر رەزەرۆى: 4 تىلدە سويلەيتىن اقتوبەلىك شەتەلدەگى جۇمىستان باس تارتتى

اقتوبە. قازاقپارات - پرەزيدەنتتىك كادر رەزەرۆىنە ەنگەن ءلاززات ءادىلوۆا شەتەلدەگى جۇمىستان باس تارتىپ، اقتوبەگە ورالدى. ەلىمىزدەگى ەڭ ءبىلىمدى 300 جاستىڭ قاتارىنا قوسىلعان مامان بولاشاقتا مەملەكەتتىك قىزمەتكەر بولۋدى ماقسات ەتىپ وتىر، دەپ حابارلايدى قازاقپارات ءتىلشىسى.

ءلاززات ءادىلوۆا پرەزيدەنت باستاماسى مۇناي- گاز سالاسىندا ەڭبەك ەتىپ جۇرگەن جاس ماماندارعا جارقىن ماقساتتارىن ىسكە اسىرۋعا جول اشتى دەپ ەسەپتەيدى.


«پرەزيدەنتتىك جاستار كادر رەزەرۆى مەملەكەت باسشىسىنىڭ سايلاۋالدى باستاماسىندا مىندەت ەتىپ قويىلدى. ەڭ دارىندى، ءبىلىمدى 300 جاس تاڭدالدى. بولاشاقتا بۇل جاستار مەملەكەتتىك قىزمەتتىڭ تيىمدىلىگىن ارتتىرۋدى ماقسات ەتىپ وتىر. مەن حالىققا قىزمەت ەتىپ، جاعدايىن كوتەرۋ، ءوز ءبىلىمىم مەن تاجىريبەمدى ەل يگىلىگىنە باعىتتاۋدى كوزدەيمىن. كادرلىق رەزەرۆ جاساقتالعاندا اشىق ءارى وبەكتيۆتى جەتى كەزەڭنەن وتتىك. ءارقايسىسىنىڭ ءوز ارتىقشىلىعى مەن جاۋاپكەرشىلىگى زور. قاڭتار ايىندا پرەزيدەنتپەن كەزدەسۋ بولدى. سول كەزدە تاپسىرما بەرىپ، ناقتى ايتتى. بىزگە ەل ۇلكەن ءۇمىت ارتىپ وتىر. قازىر مەن مۇناي كومپانياسىندا ەڭبەك ەتىپ ءجۇرمىن. باس مەنەدجەرمىن. قازاق تىلىنەن وزگە ورىس، قىتاي، اعىلشىن تىلىندە ەركىن سويلەي الامىن. قىتاي تىلىندە ماگيستراتۋرا ءبىتىردىم. بىردەن قىتايدا حالىقارالىق ۇيىمدار جۇمىسقا شاقىردى. ءبىراق مەن قازاقستانعا ورالىپ، ەڭبەك ەتۋگە شەشىم قابىلدادىم»، - دەدى ءلاززات ءادىلوۆا.

ينۆەستيتسيا تارتۋ، مۇناي- گاز سالاسىنداعى ينفراقۇرىلىم باعىتىن دامىتىپ جۇرگەن مامان بولاشاقتا حالىقارالىق قاتىناستار باعىتىندا جۇمىس ىستەۋدى ارماندايدى. مەملەكەتتىك قىزمەتكە اۋىسىپ، جاڭا باستامالارىمەن ەل دامۋىنا ىقپال ەتپەك.

«ءبارىمىز دە قاراپايىم قازاق بالاسىمىز. ماسەلەن، مەنىڭ اكەم - تەمىرجولشى، انام - دارىگەر. ۇزاق جىلدان بەرى ءبىر سالادا ەڭبەك ەتىپ ءجۇر. پرەزيدەنتتىك كادر رەزەرۆىنە جينالعان جاستاردىڭ ءبىلىمى جوعارى، كەيبىرى شەتەلدە ءجۇرىپ جاڭا تەحنولوگيانى مەڭگەرگەن. جينالعان ادامداردىڭ كوزقاراسى وزگەشە، كوپ بىلەدى. ءبىراق ءبارى قاراپايىم، ەل ءۇشىن، ەرتەڭىمىز ءۇشىن ەڭبەك ەتەمىز دەپ ورتاق مۇددەگە توعىستى»، - دەدى ءلاززات ءادىلوۆا.

ەسكە سالساق، پرەزيدەنت قاسىم - جومارت توقايەۆ «جۇزدەن - جۇيرىك، مىڭنان - تۇلپار» شىققان جاستارمەن كەزدەسۋىندە ەل دامۋىنىڭ باعىتىن ءتۇسىندىرىپ بەردى. پرەزيدەنتتىك كادر رەزەرۆىنە بارلىعى 13 مىڭنان استام ءوتىنىش تۇسسە، ولاردىڭ تەك 300- ءى ىرىكتەلدى.

اۆتور التىناي ساعىندىقوۆا



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات