ادامدى ەرتە قارتايتاتىن 4 ادەت

نۇر-سۇلتان. قازاقپارات - ايەلدەردىڭ %20 ى وزدەرىندە ءبىرىنشى اق شاشتىڭ پايدا بولعانىن 30 جاسقا دەيىن بايقايدى. ول قارتايۋدىڭ باستى بەلگىسى بولماسا دا، ايەل پسيحيكاسىنا قاتتى اسەر ەتەدى ەكەن.

 كوز اينالاسىندا پايدا بولاتىن ءاجىم دە ايەلگە جاعىمسىز سەزىم سىيلايدى. الايدا اق شاش پەن ۇساق اجىمدەردىڭ پايدا بولۋىنا قاراعاندا سىرت كەلبەتكە قاتتىراق اسەر ەتەتىن زياندى ادەتتەر بار. نازارىڭىزعا سوڭعى عىلىمي دەرەكتەرگە سۇيەنىپ، سىرتقى كەلبەتتى ەرتە قارتايتاتىن 4 ادەتتى ۇسىنامىز.

1-ادەت. ەنجار ءومىر سالتى كاليفورنيا ۋنيۆەرسيتەتىنىڭ عالىمدارى American Journal of Epidemiolog جۋرنالىنا ەنجار ءومىر سالتى جاسۋشالاردىڭ قارتايۋىن جىلدامداتاتىنى جايلى ماقالا جاريالادى. 8-10 ساعات بويى وتىرىپ (مىسالى، كومپيۋتەر الدىندا) جۇمىس ىستەيتىن ايەلدەر وزدەرىنىڭ بيولوگيالىق جاسىنان 9 جاس ۇلكەن كورىنەدى ەكەن. الايدا، قورقۋدىڭ قاجەتى جوق: كۇنىنە 30 مينۋتتىق سەرۋەندەۋ مەن باسپالداقپەن جاياۋ كوتەرىلۋ مۇنىڭ الدىن الادى ەكەن.

 2-ادەت. سمارتفوندى شەكتەن تىس قولدانۋ ەرتە قارتايۋدىڭ ءبىر سەبەبى - سمارتفوندار مەن موبيلدى قۇرىلعىلاردى شەكتەن تىس قولدانۋ. تەلەفون مەن كومپيۋتەردىڭ كوك ەكرانى كوللاگەننىڭ بۇزىلۋىنا، ياعني ەرتە قارتايۋعا اكەلەدى. ءاجىم تورلارى دا، داقتار دا وسىدان پايدا بولادى. گادجەتتەردىڭ تاعى ءبىر نەگاتيۆ اسەرى - بەت جانە مويىن تەرىسىنىڭ سالبىراۋى. مۇنداي اسەر سمارتفون ۇستايتىن %77 ادامنان بايقالعان. ونىڭ سەبەبى ادام ۇيالى تەلەفون قولدانعاندا باسىن تومەن سالبىراتىپ وتىرادى.

 3-ادەت. الكوگول الكوگول ىشىمدىكتەر سىرت كەلبەتكە، اسىرەسە، تەرى مەن شاشقا نەگاتيۆ اسەر بەرەدى. 20 جاستا ادامنىڭ يممۋن جۇيەسى جىلدام قالىپقا كەلەتىندىكتەن ماستىقتىڭ سالدارى سەزىلمەۋى مۇمكىن. ال 30-40 جاستا ونىڭ اسەرى بىردەن بايقالا باستايدى، تەرىنى قالپىنا كەلتىرۋگە جىلدام اسەرى بار ىلعالداندىرعىش ماسكالاردىڭ ءوزى ارەڭ كومەكتەسەدى. ارينە، قىزىل شاراپ سەكىلدى كەي سۋسىنداردىڭ پايداسى جايلى ەستىپ ءجۇرمىز. ءبىراق ءبىر تامشى الكوگول ىشپەيتىن ايەلدەردىڭ تەرى جاعدايى جاقسى بولاتىنى عىلىمي دالەلدەنگەن فاكت ەكەنىن ۇمىتپايىق.

 4-ادەت. قايعى Steelcase كومپانياسى جۇمىسباستى 12000 ەرىكتىنىڭ قاتىسۋىمەن اۋقىمدى زەرتتەۋ جۇرگىزدى. سوندا ايەلدەردىڭ كوبىندە زەيىن قويۋ قيىندىعى مەن ۇلكەن كۇيزەلىس جۇگى بايقالعان. بۇل ءاردايىم ءوزىڭىزدى شارشاڭقى سەزىنۋگە، جەكە موتيۆاتسيانىڭ جوعالۋىنا جانە جىلدام قارتايۋعا اكەلەدى.

Massaget.kz