مارافونعا العاش رەت جۇگىرۋ ءومىردى 4 جىلعا قىسقارتادى - زەرتتەۋ
ال امەريكالىق كارديولوگتار كوللەدجىنىڭ جۋرنالىندا جاريالانعان زەرتتەۋ ناتيجەلەرىنە سەنسەك، مارافونعا العاش رەت قاتىسىپ، مارافوندى سوڭىنا دەيىن جۇگىرىپ شىققان ادامنىڭ ارتەريالىق قىسىمى تومەندەگەن. بۇل قانتامىرلاردىڭ جاسىن ءتورت جىلعا كەمىتەدى، دەپ جازادى قازاقپارات The Times of İndia باسىلىمىنا سىلتەمە جاساپ.
ازيا كارديولوگتار ينستيتۋتىنىڭ دوكتورى سانتوش كۋماردىڭ ايتۋىنشا، جۇگىرۋ دەنساۋلىققا جاقسى اسەر ەتىپ، جۇرەك جۇمىسىن ءبىر قالىپتى ۇستايدى. حولەستەريندى ازايتىپ، ارتىق سالماقتان ارىلۋعا كومەكتەسەدى. سونىمەن قاتار كۇيزەلىستەن ارىلتادى.
«دەگەنمەن، مارافونعا قاتىسىپ توپپەن جۇگىرۋ ادامعا كەرى اسەرىن دە تيگىزۋى مۇمكىن. بۇل ءار ادامنىڭ دەنساۋلىعىنا بايلانىستى. مارافونعا قاتىسپاس بۇرىن مىندەتتى تۇردە دارىگەرگە قارالىپ الۋ كەرەك»، - دەيدى ول.
عالىمداردىڭ ايتۋىنشا، جۇگىرۋ دەنساۋلىققا جاقسى اسەر ەتكەنىمەن، مارافوننىڭ ورنى بولەك. وعان جاتىقتىرۋشىمەن ارنايى دايىندالۋ كەرەك.