20:55, 11 - جەلتوقسان 2019 | GMT +6
توقايەۆ پرەزيدەنتتىك كادر رەزەرۆى 4-كەزەڭىنىڭ قورىتىندىسىمەن تانىستى
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ مەملەكەتتىك قىزمەت ىستەرى اگەنتتىگىنىڭ ءتوراعاسى انار جايىلعانوۆانى قابىلدادى، دەپ حابارلايدى قازاقپارات اقورداعا سىلتەمە جاساپ.
انار جايىلعانوۆا مەملەكەت باسشىسىنا «پرەزيدەنتتىك كادر رەزەرۆىنىڭ» 4-كەزەڭىنىڭ قورىتىندىسى تۋرالى ەگجەي- تەگجەيلى مالىمەت بەردى.
اتاپ ايتقاندا، انار جايىلعانوۆا وتكەن كەزەڭنىڭ نەگىزگى كريتەرييلەرى مەن تالاپتارى، ساراپشىلار كوميسسياسىنىڭ قۇرامى جايىندا ايتتى. ونىڭ ايتۋىنشا، ۇمىتكەرلەرمەن اڭگىمەلەسۋ ءادىل ءارى كونكۋرس ەرەجەسىنە ساي ءوتتى.
پرەزيدەنت اقتىق كەزەڭنىڭ بارىنشا اشىق ءوتۋىن قامتاماسىز ەتۋدى جانە ەڭ لايىقتى ۇمىتكەرلەردى ىرىكتەپ الۋدى تاپسىردى.