+7 (701) 759 90 19
-3 °С : نۇر-سۇلتان
6 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

اقمولادا بوراندا اداسىپ كەتكەن مالشى تابىلدى، تاعى 4 ادام ىزدەستىرىلىپ جاتىر

8 جەلتوقسان 16:33
:ءبولىسۋ
اقمولادا بوراندا اداسىپ كەتكەن مالشى تابىلدى، تاعى 4 ادام ىزدەستىرىلىپ جاتىر

كوكشەتاۋ. قازاقپارات - اقمولا وبلىسىنىڭ جاقسى اۋدانىندا بوراندا اداسىپ كەتكەن مالشى امان- ساۋ تابىلدى. سونداي- اق، شورتاندى جانە ەسىل اۋداندارىندا بوراندا دالاعا شىعىپ كەتكەن ءتورت ادامعا ىزدەستىرىلىپ جاتىر، دەپ حابارلايدى قازاقپارات ءتىلشىسى وبلىستىق ت ج د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، جەلتوقساننىڭ 07-سىندە ساعات 01:30 شاماسىندا قۇتقارۋشىلار مەن پوليتسيا قىزمەتكەرلەرى جاقسى اۋدانىنىڭ پارچيەۆكا كەنتىندە مالشىنى ىزدەۋ شارالارىن قولعا الدى.

«بەلگىلى بولعانداي، 1972 -جىلى تۋعان ەر ادام 6 - جەلتوقساندا ساعات 16:00-دە مال ىزدەۋگە شىعىپ، قايتىپ ورالماعان. ىزدەستىرۋ شارالارىنا تجد جەكە قۇرامىنان 2 قىزمەتكەر جانە قاردا جۇرەتىن ءبىر ارنايى تەحنيكا، اۋداندىق پوليتسيا بولىمىنەن ءبىر قىزمەتكەر جۇمىلدىرىلدى. ناتيجەسىندە ساعات 04:00 شاماسىندا مالشى امان- ەسەن تابىلدى» دەيدى ۆەدومستۆونىڭ باسپا ءسوز قىزمەتىندەگىلەر.

جاقسى اۋداندىق ت ج ب باستىعى مانات بەگاليننىڭ سوزىنشە، مالشى قۇتقارۋشىلار كولىگىنىڭ جارىعىن كورىپ، ءوزى دىبىس بەرگەن.

«دالادا اقتۇتەك بوران. مالشىنىڭ ءالى قۇرىعان. كومەك دەر كەزىندە كەلدى «، - دەيدى ول.

سونىمەن قاتار، قۇتقارۋشىلار شورتاندى اۋدانىندا 39 جاستاعى ەر ادامدى ىزدەستىرىپ جاتىر.

ال، ەسىل اۋدانىندا تراكتورمەن دالادان ءشوپ اكەلۋگە كەتكەن ءۇش ەر ادام بوراندا جوعالىپ كەتتى. ولاردى دا ىزدەستىرۋ شارالارى ءجۇرىپ جاتىر.

قۇتقارۋشىلار وبلىس تۇرعىندارىن بوراندى كۇنى جولعا شىقپاۋعا شاقىرادى.

اۆتور اسلان وسپانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات