+7 (701) 759 90 19
-16 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

يلون ماسكتان باسقا بولاشاقتى وزگەرتەتىن 4 ميللياردەر

13 قاراشا 05:40
:ءبولىسۋ
يلون ماسكتان باسقا بولاشاقتى وزگەرتەتىن 4 ميللياردەر

نۇر- سۇلتان. قازاقپارات - ادامزاتتىڭ دامۋىنا اقپارات تەحنولوگيالارىنىڭ ورنىڭ ەرەكشە. بۇگىندە بولاشاقتى وزگەرتەتىن ادام رەتىندە يلون ماسكتىڭ اتى ءجيى ايتىلادى.

ءيا، يلون ماسكتىڭ عارىش پەن ەلەكتروكار سالاسىنا ءسىڭىرىپ جاتقان ەڭبەگى زور. ءبىراق ونىڭ جارناماسى دا جاقسى. يلوننان بولەك بولاشاق ۇرپاقتىڭ يگىلىگىنە جارايتىن ىستەردى جۇزەگە اسىرىپ جۇرگەن ميللياردەرلەر وتە كوپ. جاقىندا اقشا اۋدارىمدارى مەسەندجەرلەر ارقىلى، ال زاتتار درون- كۋرەرلەر ارقىلى ءوز مەكەنىنە جەتىپ جاتسا تاڭ قالماڭىز. ءبارى دە ءبىز ءسوز ەتكەلى جاتقان ميللياردەرلەردىڭ ارقاسىندا.

بيلل گەيتس


بيلل گەيتس - ا ق ش كاسىپكەرى ءارى قوعام قايراتكەرى، ايگىلى Microsoft Corporation كومپانياسىنىڭ نەگىزىن قالاۋشى (پول اللەنمەن بىرگە) جانە ەكس- پرەزيدەنتى، نەگىزگى اكسيونەرى. Forbes جۋرنالىنىڭ الەمدەگى باي ادامدار رەيتينگى بويىنشا ەكىنشى (90 ميلليارد دوللار) ساتى بيلل گەيتسكە تيەسىلى. الايدا قازىر ول اقشا تابۋدان گورى، جوقشىلىقپەن كۇرەسۋگە ەرەكشە ءمان بەرۋدە. گەيتس وسيەت حاتىنا سايكەس ونىڭ ءۇش بالاسىنىڭ ءارقايسى تەك 10 ميلليون دوللاردان الادى. ال قالعان اقشاسى قايىرىمدىلىق قورىنا اۋدارىلادى. ول ءتۇرلى سالاداعى عىلىمنىڭ دامۋى ءۇشىن اقشاسىن اياماي جۇمساپ جاتقان ميللياردەر. (بۇل تۋرالى ءبىز «بيلل گەيتس قارجىسىن قايدا جۇمسايدى؟ « اتتى ماقالامىزدا ەگجەەي- تەگجەيلى ايتقان بولاتىنبىز) . مىسالى، ءدامى جاعىنان ەتكە ۇقسايتىن جاساندى ەت جاساپ شىعارۋمەن اينالىساتىن Impossible Foods جوباسىنا بيلل گەيتس 2013-2017 -جىلدار ارالىعىندا 208 ميلليون دوللار اقشا ءبولىپ، قارجىلاي قولداپ وتىرعان. سونىڭ ناتيجەسىندە Impossible Foods دايىنداعان ەتتى بۋرگەرلەر ا ق ش مەيرامحانالارىندا ۇلكەن سۇرانىسقا يە.

پاۆەل دۋروۆ


دۋروۆ دەگەندە vk.com الەۋمەتتىك جەلىسى ەسكە تۇسەتىنى انىق. «ۆكونتاكتە» رەسەيدەگى «ودنوكلاسسنيكي» الەۋمەتتىك جەلىسىنەن كەيىن پايدا بولسا دا، از ۋاقىت ىشىندە ت م د ەلدەر اراسىندا تانىمالدىلىققا جەتتى. ونىڭ نەگىزىن قالاعان دۋروۆ «ۆكونتاكتە- دەن» 2014 -جىلى كەتتى دە، كوپ وتپەي Telegram مەسسەندجەرىن جاساپ شىعاردى. بۇل الەۋمەتتىك جەلى دە حالىقارالىق دەڭگەيدە بىردەن سۇرانىسقا يە بولدى. ءىرى باسەكەلەستەرىنە قاراماي، پاۆەل «سەرۆيس قاۋىپسىز جانە قۇپيا بولۋى كەرەك» دەگەن سوزىنە ادال بولىپ قالدى. قورعالعان حاتتار، جىلدامدىق، بۇلت قىزمەتى جانە كوپتەگەن ستيكەرلەر، بوت پەن كانالدار Telegram-دى تانىمال ەتتى. قازىرگى ۋاقىتتا مەسسەندجەر پايدالانۋشىلارىنىڭ سانى 200 ميلليوننان اسادى. Telegram دامىپ، جاڭا فۋنكتسيالار قوسىلىپ جاتىر. 2020 -جىلدىڭ كوكتەمىندە مەسسەندجەردىڭ ءوز كريپتوۆاليۋتاسى - Gram اينالىمعا ەنۋى مۇمكىن. 2018 -جىلى ينۆەستورلار وعان 1,7 ميلليارد دوللار قارجى سالعان، تانىمال ينۆەستورلاردىڭ اراسىندا رومان ابروموۆيچ تە بار. جوسپار بويىنشا، Gram - Bitcoin نەمەسە Ethereu -گە ۇقسامايدى. ول Visa جانە MasterCard تىڭ بالاماسىنا اينالادى. بۇل الەم بويىنشا جاڭا، العاشقى كريپتوۆاليۋتا بولادى دەگەن بولجام بار. Gram-نىڭ قاۋىپسىزدىگى سونشا، ونى كەز كەلگەن Telegram قولدانۋشىسى پايدالانا الادى.

دجەفف بەزوس


Amazon نەگىزىن قالاۋشىسى الەمدەگى ەڭ باي ادام رەتىندە عانا ەمەس، سونىمەن قاتار الدىڭعى قاتارلى تەحنولوگيالارعا ينۆەستيتسيا سالۋمەن دە تانىمال. بەزوس Amazon كومپانياسىن 1994 -جىلى قۇرعان. سول كەزدەگى بەزوس يدەياسى شاعىن ينتەرنەت- دۇكەنى ەدى. بۇگىندە جوبا ۇلكەن نارىققا اينالدى، ول جەردەن كەز كەلگەن نارسەنى تابۋعا بولادى. ساتۋدان باسقا، Amazon وندىرىسپەن دە اينالىسادى. ولاردىڭ قاتارىندا Kindle ەلەكترون كىتاپتارى بار. تاپسىرىستاردىڭ ۇلكەن اعىمى Amazon دى ىشكى لوگيستيكاسىن جاقسارتۋعا جانە ساقتاۋ مەن جەتكىزۋدى وڭتايلاندىرۋعا اكەلدى. ول ءۇشىن كومپانيا ماشينا جاساۋ نەگىزىندە جاساندى ينتەللەكت قولدانا باستادى. بەزوستىڭ ىسكەرلىك داعدىلارى بۇل جولى دا كومەكتەستى: Amazon ءوزىنىڭ بولشەك ساۋدا ايماعىنداعى سىرتقى تۇتىنۋشىلارعا ءتۇرلى تەحنولوگيالاردى ۇسىنا باستادى. وسىلايشا Amazon Web Services پايدا بولدى. بۇگىنگى تاڭدا Toyota كومپانياسى كومپانيانىڭ ازىرلەمەلەرىن پايدالانادى. جاساندى ينتەللەكت اۆتوموبيل وندىرۋشىلەرىنە جۇرگىزۋشىسىز اۆتوموبيلدەر جاساۋعا كومەكتەسەدى. 2000 -جىلى دجەفف Bezos Blue Origin جەكە اەروعارىشتىق كومپانياسىنىڭ نەگىزىن قالادى. ونىڭ ماقساتى - ادامداردى اي بەتىنە قونىستاندىرۋ مەن جەرگە زيانى تيەتىن ءىرى زاۋىتتاردى اي بەتىنە اۋىستىرۋ. Blue Origin 2020 -جىلى ايدى يگەرۋگە دايىندالىپ جاتىر. «ءبىز جەر بەتىنەن كەتەمىز، كەتۋگە ءماجبۇرمىز. قالعىسى كەلگەندەر قالا بەرسىن. ميلليونداعان ادامدار ايدا جۇمىس ىستەپ، جەر بەتىندەگى اۋىر ونەركاسىپتىك نىسانداردى سول جاقا كوشىرۋگە بولادى. بۇل جەر بەتىندەگى ءوسىپ بارا جاتقان قاجەتتىلىكتەردى وتەۋدىڭ بىردەن- ءبىر جولى»، - دەگەن ەدى بەزوس كاليفورنيادا جۋرناليستەرمەن كەزدەسۋ كەزىندە. بۇل تۋرالى ءبىز «ءبىز جەر بەتىنەن كەتەمىز، كەتۋگە ءماجبۇرمىز» اتتى ماقالامىزدا جازعان ەدىك. Amazon سونىمەن قاتار جۇرگىزۋشىسىز ماشينالاردىڭ كوشباسشىسى دا سانالادى.

مارك سۋكەربەرگ


مارك سۋكەربەرگ - Facebook الەۋمەتتىك جەلىسىنىڭ نەگىزىن قالاعانداردىڭ ءبىرى. بۇل جەلىدەن قازىر 2 ميللياردتان ارتىق ادام پايدالانادى. 2019 -جىلى Facebook پلاتفورماسىندا جاڭا Libra كريپتوۆاليۋتاسى ىسكە قوسىلدى. ساراپشىلاردىڭ پىكىرىنشە، Facebook كريپتوۆاليۋتاسى اۋدارىمدار ءۇشىن كوميسسيا المايدى، ال ايىرباستاۋ باعامى سالىستىرمالى تۇراقتىلىقتى قامتاماسىز ەتەتىن بىرنەشە ۆاليۋتالاردىڭ باعاسىنا نەگىزدەلگەن. الايدا سۋكەربەرگ تابىستى كاسىپكەرلىكپەن شەكتەلمەيدى. ول ميللياردەرلەردىڭ قايىرىمدىلىق باعدارلاماسىنا قوسىلعان. 2015 -جىلى ول ايەلى پريستسيلامەن بىرگە «چان سۋكەربەرگتىڭ باستاماسى» (The Chan Zuckerberg Initiative) قورىن قۇردى. ەرلى- زايىپتىلار Facebook اكسيالارىنىڭ 99 پايىزىن وسى قورعا وتكىزۋگە شەشىم قابىلداعان. قور قاراجاتى كوپتەگەن اۋرۋلاردى ەمدەۋ مەن الدىن- الۋعا، سونىمەن قاتار بيولوگيالىق زەرتتەۋلەرگە ارنالعان جاسۋشالاردى ۆيزۋاليزاتسيالاۋعا جۇمسالادى. سۋكەربەرگ مەملەكەتتىك مەكتەپتەر مەن ءبىلىم بەرۋدەگى ستارتاپتارعا، سونىڭ ىشىندە Code.org قا، ينفورماتيكانى جاڭا دەڭگەيگە شىعارۋعا قارجى بولەدى. ول Vicarious - نەوكورتەكستىڭ (مي قاباتى) زەرتتەۋىنە جانە ونى كومپيۋتەرلىك كودقا اينالدىرۋعا قاتىساتىن ستارتاپتاردى قارجىلاندىردى. ەگەر زەرتتەۋ ءساتتى بولسا، جاساندى ينتەللەكت ادامنىڭ ساناسىنا جەتىپ الادى دەگەن بولجام بار.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات