+7 (701) 759 90 19
-3 °С : نۇر-سۇلتان
-3 °С : الماتى
USD 386.30 EUR 428.14
RUB 6.08 CNY 54.87
جاڭالىقتار

جاس ءوسپىرىم بوكسشىلار ازيا چەمپيوناتىندا 4 «التىن» الدى

18 قازان 08:12
:ءبولىسۋ
جاس ءوسپىرىم بوكسشىلار ازيا چەمپيوناتىندا 4 «التىن» الدى

نۇر-سۇلتان. قازاقپارات - بىرىككەن اراب امىرلىكتەرىندە ءوتىپ جاتقان بوكستان جاسوسپىرىمدەر اراسىنداعى ازيا چەمپيوناتىندا قازاقستاندىق سپورتشىلار سەگىز مەدال، سونىڭ ىشىندە ءتورت «التىن» جەڭىپ الدى، دەپ حابارلايدى قازاقپارات.

ق ر ۇلتتىق وليمپيادالىق كوميتەتىنىڭ مالىمەتىنە سايكەس، 52 كەلى ساناتىندا رۋسلان كۇزەۋبايەۆ فينالدا تاجىكستاندىق ابۋباكىر مۇرادوۆتى جەڭىپ، قۇرلىق دوداسىنداعى العاشقى التىندى قورجىنعا سالدى.

57 كەلىدەگى ەراسىل ەرمەك اقتىق سىندا وزبەكستان وكىلى بيلولبەك يحۆولوۆقا شەبەرلىگىن كورسەتىپ، ازيا چەمپيونى اتاندى.

60 كەلىدە ونەر كورسەتەتىن ابزال سەرىك تە وزبەكستاندىق قارسىلاسىنان باسىم ءتۇستى. ول بەكزود بەكمۇرادوۆتى ۇتىپ، جەڭىستىڭ ەڭ بيىك تۇعىرىنا كوتەرىلدى.

ءتورتىنشى «التىندى» 66 كەلىدەگى سۇلتان باباحانوۆ الىپ كەلدى. ول فينالدا ءۇندىستاندىق دجەيديپ راۆاتتى ۇتتى.

سونداي-اق 54 كەلىدە سىنعا تۇسكەن نۇرسۇلتان التىنبەك پەن 50 كەلىدەگى ابدۋللا پاتيەۆ سايكەسىنشە تاجىكستان جانە جاپونيا بوكسشىلارىنان جەڭىلىپ، كۇمىس جۇلدەگە قول جەتكىزدى.

ال ەكى قولا مەدالدى 80 كەلىگە دەيىنگى سالماقتاعى ءمادي ءامىروۆ پەن اسا اۋىر سالماقتاعى رومان دياروۆ يەلەندى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات