كۇش سىيلايتىن 4 پايدالى تاڭعى اس
كلاسسيكالىق تاڭعى اس
تاڭعى استىڭ كلاسسيكالىق تۇرىنە ىرىمشىك پەن قىزىل بولگار بۇرىشى قويىلعان قارا نان، 1 سۋعا قايناتىلعان جۇمىرتقا، اپەلسين جانە كوك شاي كىرەدى. مۇنداي تاڭعى استان اعزاڭىز پروتەيننىڭ جانە باياۋ كومىرسۋلاردىڭ كوپ مولشەرىن الادى. وعان دەنساۋلىققا قاجەتتى تاعامدار قوسىلعان.
IQ- تاڭعى اس
مايلى ەمەس تابيعي يوگۋرتقا ميۋسلي، جاڭعاقتار جانە جيدەكتەر (قاراجيدەك) قوسىڭىز. IQ- تاڭعى اس ەستە ساقتاۋدى قاتايتادى جانە زەيىن قويۋ قابىلەتىڭىزدى جوعارىلاتادى. تاڭعى اسقا دەيىن 1 ستاقان سۋ ءىشىپ الۋدى ۇمىتپاڭىز.
مايسىز يوگۋرت
قۇرامىندا ءتىرى ءسۇت قىشقىلدى باكتەريالار بار، ولار ىشەك فلوراسىن رەتكە كەلتىرەدى. جاڭعاقتار - ميعا قاجەتتى دارۋمەندەر مەن مينەرالدار كوزى. ال قاراجيدەكتىڭ قۇرامىندا مي جۇمىسىن ىنتالاندىراتىن بيولوگيالىق بەلسەندى زاتتار بار.
ەنەرگەتيكالىق تاڭعى اس
تاڭەرتەڭمەن فيتنەسكە باراتىن ادامدار تاڭعى اسىنا مىناداي سمۋزي دايىنداسا بولادى: مايسىز ءسۇت، بانان جانە جيدەكتەردى ارالاستىرۋ. سودان سوڭ ءبىر كەسە كوفە ىشۋگە بولادى. ءسۇتتىڭ قۇرامىندا بۇلشىقەت ماسساسىن جيناپ، ارىقتاۋعا كومەكتەسەتىن پروتەيندەر بار. ۇزاققا دەيىن توقتىق اسەرىن بەرەتىن تاڭعى اس مايسىز سۇتكە سۇلى جارماسىن سالىپ، بوتقا ءپىسىرىڭىز. وعان ازداپ دارشىن سەۋىپ، جاڭعاقتار مەن الما قوسىپ جەۋ كەرەك. سودان سوڭ 1 ستاقان سۋ ءىشىڭىز. ەگەر سۇلى جارماسى بوتقاسىن اسىقپاي جەسەڭىز، ول وتە تويىمدى اس. جاڭعاقتار توقتىق سەزىمىن ۇزارتاتىن پايدالى مايلار مەن پروتەيندەر بەرەدى. المادا جەمىس قانتى بار، سوندىقتان ول قانداعى قانتتىڭ دۇرىس دەڭگەيىمەن قامتاماسىز ەتەدى.
Massaget.kz