قازاقستاندا 4 مىڭ ءتۇرلى ءدارى-دارمەكتىڭ شەكتى باعاسى بەكىتىلدى
«ءبىز زاڭنامانى جەتىلدىرۋ باعىتىندا نەگىزگى جۇمىستى جۇرگىزدىك. اتاپ ايتقاندا، ءدارى- دارمەك پەن مەديتسينالىق بۇيىمداردىڭ اينالىمى بويىنشا جۇمىس رەتكە كەلتىرىلدى. وزدەرىڭىز بىلەتىندەي، ءدارىحانالارداعى ءدارى-دارمەكتىڭ باعاسىن رەتتەۋ قۇزىرەتى دەنساۋلىق ساقتاۋ مينيسترلىگىنە بەرىلىپ، باعانى رەتتەۋ ەرەجەلەرى بەكىتىلگەن بولاتىن. قازىرگى ۋاقىتتا كوتەرمە-بولشەك ساۋدا كەزىندە ءدارى-دارمەكتىڭ 4 مىڭ ءتۇرى بويىنشا شەكتى باعا بەكىتىلدى»، - دەدى ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتورايىمى ليۋدميلا بيۋرابەكوۆا و ك ق-دا وتكەن باسپا ءسوز ءماسليحاتىندا.
كوميتەت باسشىسىنىڭ ايتۋىنشا، ءدارى-دارمەكتىڭ شەكتى باعا بويىنشا ءتىزىمىن دەنساۋلىق ساقتاۋ مينيسترلىگىنىڭ، كوميتەتتىڭ، اۋماقتىق دەپارتامەنتتەردىڭ، ۇلتتىق ساراپتاۋ ورتالىعىنىڭ سايتىنان جانە «DDari.kz» موبيلدى قوسىمشاسىنان بىلۋگە بولادى.
«ياعني، وسى اقپارات كوزدەرىنەن 4000 ءتۇرلى ءدارى-دارمەكتىڭ بەكىتىلگەن باعاسىن بىلۋگە بولادى. وندىرۋشىلەردىڭ ءبارى باعا بويىنشا ءوتىنىمىن بەرىپ ۇلگەرگەن جوق. سول سەبەپتى، وسى ايدىڭ سوڭىنا دەيىن تاعى 1500 ءدارى- دارمەك ءتۇرىنىڭ شەكتى باعاسى بەكىتىلەدى»، - دەدى ليۋدميلا بيۋرابەكوۆا.
اۆتور: ايان بەكەن ۇلى