+7 (701) 759 90 19
-8 °С : نۇر-سۇلتان
-2 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

الماتى مەن نۇر- سۇلتاننىڭ اراسىن 4 جولاقتى جول جالعايدى

19 شىلدە 16:02
:ءبولىسۋ
الماتى مەن نۇر- سۇلتاننىڭ اراسىن 4 جولاقتى جول جالعايدى

نۇر- سۇلتان. قازاقپارات - سوڭعى 10 جىلدا ەلدەگى ساپاسى ناشار جولدار 40 پايىزدان 12 پايىزعا ازايعان، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن بريفينگتە «QazAvtoJol» ۇلتتىق كومپانياسىنىڭ باسقارما ءتوراعاسى ۇلان ءالىپوۆ وسىلاي ءمالىم ەتتى.

«نۇرلى جول» مەملەكەتتىك باعدارلاماسى بويىنشا ۇزىندىعى 4,4 مىڭ شاقىرىمنان اساتىن 14 جوبانى جۇزەگە اسىرۋ الداعى كۇننىڭ مىندەتىنە كىرىپ وتىر. اتالعان جوبالارعا 18 مىڭ ادام مەن 12 مىڭ جۋىققا تەحنيكا جۇمىلدىرىلعان» ، - دەيدى كومپانيا باسشىسى.

سونىڭ ارقاسىندا ورتالىق- وڭتۇستىك، ورتالىق- شىعىس، ورتالىق- باتىس، ورتالىق- سولتۇستىك دالىزدەرىندە جول ساپاسى جاقسارماق. «حالىقارالىق دالىزدەرمەن قاتار شەكارا ماڭىنداعى باعىتتارعا دا باسىمدىق بەرىلەدى. وعان الماتى- وسكەمەن، ءۇشارال- دوستىق، بەينەۋ- اقجىگىت، قالباتاۋ- مايقاپشاعاي، اقتوبە- اتىراۋ- رەسەي شەكاراسى باعىتتارى كىرەدى. قازىرگى ۋاقىتتا مەردىگەرلىك شارتتارعا قول قويىلىپ، دايىندىق جۇمىستارى جاسالىپ جاتىر» ، - دەدى ۇلان ءالىپوۆ.

قازاقستان جولدارىن جوندەۋگە شەتەلدىك ينۆەستورلار دا قارجى قۇيىپ وتىر.

«مەملەكەتتىك ەمەس قارىز ەسەبىنەن مەملەكەتتىك كەپىلدىكپەن ەۋروپا قايتا قۇرۋ جانە دامۋ بانكىمەن جانە قىتايدىڭ «ەكسيمبانكىمەن» كەلىسىم جاسالدى. تارتىلعان قاراجاتتىڭ ەسەبىنەن تالدىقورعان- وسكەمەن (763 شاقىرىم) ، قالباتاۋ- مايقاپشاعاي (415 شاقىرىم) ، مەركى- بۋرىلبايتال (266 شاقىرىم) ، كۇرتى- بۋرىلبايتال (143شاقىرىم) ۋچاسكەلەرىندە جۇمىستار ءجۇرىپ جاتىر» ، - دەدى ۇلان ءالىپوۆ.

ونىڭ ايتۋىنشا، «QazAvtoJol» ۇلتتىق كومپانياسى ءوز سترتەگياسىن قايتا قاراپ جاتىر. بۇدان بىلاي نەگىزگى باسىمدىق ادام قاۋىپسىزدىگىنە بەرىلەتىن بولادى. سول ۇشىندە نۇر- سۇلتان مەن الماتىنىڭ اراسىن جالعايتىن رەسپۋبليكالىق ماڭىزداعى جولداردىڭ ءبارىن 4 جولاقتى، ءبىرىنشى دارەجەلى جولدارعا اينالدىرۋ كوزدەلگەن. ءبىز ءقازىر قوعامنىڭ ستراتەگياسىن قايتا قارايمىز. ال جول بويىنداعى ادام ءولىمىن مۇلدە جويۋ ءۇشىن Zero Vision جۇيەسى ەنگىزىلمەك.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات