تايلاندتا ەل نامىسىن قورعاعان 4 جەڭىل اتلەتتىڭ بارلىعى «التىن» الدى

نۇر-سۇلتان. قازاقپارات - قازاقستاندىق جەڭىل اتلەتتەر «Thailand Open Track & Field 2019» حالىقارالىق تۋرنيرىندە ءتورت التىن مەدال جەڭىپ الدى، دەپ حابارلايدى قازاقپارات.

ق ر ۇلتتىق وليمپيادالىق كوميتەتىنەن ءمالىم ەتكەندەي، تايلاند اشىق چەمپيوناتىنداعى ءتورتىنشى «التىندى» يادرو لاقتىرۋشى يۆان يۆانوۆ يەلەندى. ول قارسىلاستارىن 18,95 مەتر كورسەتكىشىمەن جەڭدى. ەكىنشى ورىندا تايپەيلىك - ما ۆەي حاۋ (16.78)، ءۇشىنشى ورىندا - مالايزيالىق مۇحامماد زولكەفلي (16.71).

بۇعان دەيىن حابارلاعانىمىزداي، تۋرنيرگە ەل نامىسىن قورعاۋعا ءتورت سپورتشى اتتانعان بولاتىن. بۇعان دەيىن پولينا يۆانوۆا (سىرىقپەن سەكىرۋ)، ماريا وۆچيننيكوۆا (ءۇش قارعىپ سەكىرۋ) جانە ەليزاۆەتا ماتۆەيەۆالار (بيىكتىككە سەكىرۋ) جەڭىس تۇعىرىنىڭ ەڭ بيىك ساتىسىنا كوتەرىلدى.

بايراقتى باسەكە 18-21- مامىر كۇندەرى ارالىعىندا ءوتتى. اشىق چەمپيوناتقا 17 مەملەكەت پەن 4 كاسىبي كلۋب قاتىستى.