يندۋستريالاندىرۋ: اقمولا وبلىسىندا 4 ءىرى جوبا ىسكە اسىرىلدى
بۇل تۋرالى اقمولا وبلىسىنىڭ اكىمى مالىك مىرزالين جىلداعى ءداستۇر بويىنشا وتكىزگەن تۇرعىندار الدىنداعى ەسەپتى كەزدەسۋىندە ايتتى، دەپ حابارلايدى قازاقپارات ءتىلشىسى.
ايماق باسشىسىنىڭ ايتۋىنشا، 9 جىل ىشىندە يندۋستريالاندىرۋ باعدارلاماسىنىڭ شەڭبەرىندە 306,5 ميلليارد تەڭگەگە 83 جوبا ىسكە اسىرىلدى، ونىڭ ىشىندە جوعارى قوسىلعان قۇنىمەن - 45, ەكسپورتقا باعدارلانعانى - 27,9 مىڭنان استام جۇمىس ورنى اشىلدى.
«2018 -جىلى 52 ميلليارد تەڭگەگە باعالانعان 4 جوبا ىسكە اسىرىلىپ، 1 مىڭنان استام جاڭا جۇمىس ورنى اشىلدى. ىسكە اسىرىلعان جوبالار، ونەركاسىپ ءوندىرىسى كولەمىنىڭ تۇراقتى ءوسۋى ءۇشىن ماڭىزدى ءرول اتقاردى. 2018 -جىلى ىسكە قوسىلعان وبەكتىلەردىڭ ەسەبىنەن جالپى كولەمنەن 54,6 پايىز ونەركاسىپ ءونىمى ءوندىرىلدى، وڭدەۋ ونەركاسىبىندەگى ۇلەسى - 62,7 پايىز بولدى» ، دەدى م. مىرزالين.
سونىمەن قاتار، ايماق باسشىسى 2018 -جىلى يندۋستريالىق- يننوۆاتسيالىق جوبالاردان باسقا 3,6 ميلليارد تەڭگەگە 16 ينۆەستيتسيالىق جوبالار ىسكە قوسىلعانىن اتاپ ءوتتى.
«يندۋستريالاندىرۋ باعدارلاماسى شەڭبەرىندە 50 ميلليارد تەڭگە سوماسىنا (1200 جاڭا جۇمىس ورنى) 9 جوبانى، باعدارلامادان تىس 18,5 ميلليارد تەڭگەگە 22 جوبانى ىسكە اسىرۋ جالعاسۋدا» ، دەدى م. مىرزالين.