قازاقستاندا 4 پروتسەنتتىك اۆتونەسيەنى قالاي الۋعا بولادى؟

None
None
استانا. قازاقپارات - قازاقستاننىڭ اۆتوبيزنەس قاۋىمداستىعى 4 پروتسەنتتىك نەسيەگە كولىك الۋدىڭ شارتتارىن ءتۇسىندىردى، دەپ حابارلايدى قازاقپارات ءتىلشىسى.

ۇيىمنىڭ ۆيتسە-پرەزيدەنتى انار ماقاشيەۆانىڭ ايتۋىنشا، جەكە تۇلعالارعا 4 پروتسەنتتىك اۆتونەسيە 2-3 جىلعا بەرىلەدى. ونى العاشقى جارنامەن دە، جارناسىز دا الۋعا مۇمكىندىك بار.

«بۇگىندە وسى باعدارلاما بويىنشا اينالىمدا جۇرگەن قارجىنىڭ سوماسى 34 ميلليارد تەڭگەنى قۇرايدى. ول - قايتارىمدى اقشا. بۇل دەگەنىمىز، نەسيە العان ادام اي سايىن تولەم جاساعاندا ول اقشا قايتادان اينالىمعا تۇسەدى، تاعى ءبىر ادام اۆتونەسيە راسىمدەي الادى. اتالعان باعدارلاما 20 جىلعا ەسەپتەلگەن. بۇل - وتە تابىستى باستاما. دەگەنمەن، بيىل ۇكىمەت تاراپىنان قوسىمشا 10 ميلليارد تەڭگە بولىنەدى دەگەن ءۇمىتىمىز بار»، - دەدى ا. ماقاشيەۆا قازاقپارات تىلشىسىنە بەرگەن سۇحباتىندا.

ونىڭ سوزىنە قاراعاندا، اۆتونەسيەگە وتاندىق كولىكتەر بەرىلەدى. ال نەسيەنىڭ ءوزىن كەز كەلگەن ديلەرلىك ورتالىقتا راسىمدەۋگە مۇمكىندىك بار.

«قازاقستاندا شامامەن التى بانك اۆتونەسيە باعدارلاماسى بويىنشا جۇمىس ىستەيدى. بانك قىزمەتكەرلەرى سالونداردا وتىرادى. كەز كەلگەن ادام سول جەرگە بارىپ، وزىنە ۇناعان كولىكتى تاڭداي الادى. ودان كەيىن بانك وكىلىنە ءوتىنىش تاپسىرۋ قاجەت. الدىمەن ءوتىنىش بەرگەن ادامنىڭ تولەم قابىلەتتىلىگى تەكسەرىلەدى. سوسىن كەلىسىمشارت جاسالادى. ءبىراق قازاقستاننىڭ دامۋ بانكى دە ءوتىنىشتى قاراستىرىپ شىعۋى قاجەت. ولار ءوتىنىش بەرگەن ادامنىڭ جانە كولىكتىڭ باعدارلاما تالاپتارىنا ساي ما، جوق پا، سونىڭ ءبارىن جان-جاقتى تەكسەرەدى. بارلىعى دۇرىس بولسا، 4 پروتسەنتتىك اۆتونەسيە راسىمدەلەدى. ماسەلەن، جاڭا كولىكتىڭ باعاسى 5 ميلليون تەڭگە دەيىكشى، العاشقى جارنانىڭ سوماسى 10 پروتسەنت بولسا، 5 جىلدىڭ ىشىندە ارتىق تولەنگەن اقشانىڭ كولەمى تەك 150 مىڭ تەڭگەنى قۇرايتىن بولادى»، - دەپ اتاپ كورسەتتى ا. ماكاشيەۆا.

ايتا كەتكەن ءجون، اتالعان باعدارلاما بويىنشا نەسيەنىڭ جىلدىق مولشەرلەمەسى 4 پروتسەنتتى قۇراسا، ءتيىمدى ستاۆكانىڭ دەڭگەيى 7 پروتسەنتكە دەيىن بارادى. سەبەبى ساقتاندىرۋدىڭ «كاسكو» اتتى ءتۇرىن الۋ قاجەت. جول-كولىك اپاتى بولسا، اۆتوموبيلدىڭ تولىق اقشاسىن الىپ شىعۋعا مۇمكىندىك بار.

سوڭعى جاڭالىقتار