09:02, 10 - جەلتوقسان 2018 | GMT +6
ءتىس جۋۋعا قولدانىپ جۇرگەن توستاعان 4 مىڭ جىلدىق ەسكەرتكىش بولىپ شىقتى
استانا. قازاقپارات - بريتان ازاماتى ءتىس جۋۋعا قولدانىپ جۇرگەن توستاعان 4 مىڭ جىلدىق ەسكەرتكىش بولىپ شىقتى. بۇل تۋرالى livescience.com باسىلىمى حابارلادى.
ءوزى ساتىپ العان قىشتان جاسالعان توستاعاننىڭ جاسى 4000 جىل ەكەنى كارل مارتيننىڭ ويىنا دا كىرىپ- شىقپاعان.
بازاردا جۇرگەن كارلدىڭ توستاعانعا نازارى تۇسەدى. ءسويتىپ ونى قۇمىرامەن بىرگە 5 دوللارعا ساتىپ الادى.
بىرنەشە جىلدان سوڭ اۋكسيوندار ۇيىنە جۇمىسقا ورنالاسقان مارتين ساۋداعا شىعارىلعان لوتتاردىڭ ءوزى ءتىس شەتكالارىن سالاتىن توستاعانعا قاتتى ۇقسايتىنىن بايقاپ قالادى. ساراپتاما كەزىندە ونىڭ وسىدان ءتورت مىڭ جىل بۇرىن اۋعانستان اۋماعىندا جاسالعانى انىقتالدى.
«توستاعاننىڭ وڭتۇستىك دەربيشيردەگى اۆتوموبيل بازارىنا قالاي بارىپ قالعانىن ەندى ەشقاشان بىلە المايتىن شىعارمىن»، - دەيدى كارل مارتين.