07:52, 14 - قاراشا 2018 | GMT +6
قازالىدا جات اعىمدى ۇستانعان 4 ادام سوتتالدى
قازالى. قازاقپارات - قىزىلوردا وبلىسىنىڭ قازالى اۋدانىندا 2017 -جىلى دەسترۋكتيۆتى ءدىني باعىتتى ۇستانۋشى 4 ادامنىڭ ۇستىنەن قىلمىستىق ءىس قوزعالعان، دەپ حابارلايدى قازاقپارات ءتىلشىسى.
«دەسترۋكتيۆتى ءدىني اعىمدار - ازاماتتارىمىزدىڭ قۇقىقتارىن بۇزاتىن، ولارعا پسيحولوگيالىق ءادىس- تاسىلدەردى قولدانا وتىرىپ، زيانىن تيگىزەتىن ءدىني اعىمدار. وتكەن جىلى دەسترۋكتيۆتى ءدىني باعىتتى ۇستانۋشى 4 قازالىلىق ازاماتقا قاتىستى قىلمىستىق ءىس قوزعالعان. ونىڭ ۇشەۋى 2-3 جىلعا شارتتى مەرزىمگە كەسىلسە، ءبىر ازامات 2 جىلعا باس بوستاندىعىنان ايىرىلعان»، - دەيدى اۋداندىق ىشكى ساياسات ءبولىمىنىڭ باس مامانى ەرلان نۇرجاۋبايەۆ.
اۆتور: سارسەنقۇل نازار