ەر ادام كوزىنە كىرىپ كەتكەن پىشاقتىڭ ءجۇزىن 4 كۇن بويى الدىرماي جۇرگەن
بۇل تۋرالى Daily Mail باسىلىمىنا سىلتەمە جاساپ Stan.kz حابارلايدى.
وقيعا يوحاننەسبۋرگ قالاسىندا ورىن العان. 25 جاستاعى ەر ادام باردا ىشىمدىك ءىشىپ وتىرعان. وسى كەزدە توبەلەس بولىپ، ول دوسىن قورعاماق بولىپتى. ارتىنشا قارسىلاسى ونىڭ سول جاق كوزىنە پىشاقتىڭ ءجۇزىن سۇعىپ العان.
مۇنان كەيىن ەر ادام ۇيىنە بارىپ، ۇيىقتاپ قالعان. ارتىنشا وعان دوستارى كەلىپ، اۋرۋحاناعا بارۋعا كوندىرىپتى. ەر ادامنىڭ ءوزى كوزىنە پىشاق سۇعىپ العانى تۋرالى بىلمەگەن. ول دارىگەرگە باسىنىڭ اۋىراتىنىن جانە سول جاق كوزىندە الدەنە تۇرعانداي سەزىنەتىنىن ايتىپتى.
رەنتگەنوگرافيا بارىسىندا ەر ادامنىڭ باس سۇيەگىندە پىشاقتىڭ ءجۇزى بارى انىقتالعان. پىشاق سۇيەككە تىرەلىپ قالعاندىقتان، جىلجىماعان. ەر ادام اۋرۋحانادا بوس ورىن پايدا بولعانشا ءبىر تاۋلىك كۇتكەن. مۇنان كەيىن قان تامىرلارىنىڭ انگيوگرافيا- رەنتگەنوگرافياسىن جاساتى ءۇشىن تاعى 2 تاۋلىك كۇتۋىنە تۋرا كەلىپتى. ناتيجەسىندە پاتسيەنتتىڭ ءىرى قان تامىرلارى زاقىمدالماعانى بەلگىلى بولدى.
ەر ادامعا وتا ءساتتى جاسالىپ، دارىگەرلەر ونىڭ باس سۇيەگىنەن پىشاقتىڭ ءجۇزىن الىپ شىقتى. ول ءۇشىن دارىگەرلەرگە پاتسيەنتتىڭ كوزىن ۋاقىتشا تىگىپ تاستاۋعا تۋرا كەلىپتى.
وتادان كەيىن ەر ادام امان قالعانىنا شۇكىرلىك ەتىپ، دارىگەرلەرگە العىس ءبىلدىردى.
Stan.kz