ازيادا ويىندارىنىڭ العاشقى كۇنى قازاقستان 4 مەدال ەنشىلەدى

استانا. قازاقپارات - يندونەزيادا ءوتىپ جاتقان 2018-جىلعى ازيا ويىندارىنىڭ العاشقى كۇنى قازاقستاندىقتار التىن، كۇمىس جانە ەكى قولا مەدال جەڭىپ الدى، دەپ حابارلايدى Sports.kz.

«التىندى» سەمسەرلەسۋشى دميتري الەكسانين، «كۇمىستى» ەركىن كۇرەستەن دانيار قايسانوۆ، ءدال وسىنداي سپورت تۇرىنەن ساياتبەك وقاسوۆ مەن ادىلەت داۆلۋمبايەۆ قولا مەدالداردى يەلەندى. ءتورت مەدال ەنشىلەگەن قازاقستان قۇراماسى جالپى كوماندالىق مەدالدىق ەسەپتە بەسىنشى ورىنعا تابان تىرەدى.

ازيادا-2018 ءدىڭ مەدالدىق ەسەبى:

1. قىتاي - 16 مەدال (7 التىن، 5 كۇمىس، 4 قولا)

2. جاپونيا - 14 (3-6-5)

3. وڭتۇستىك كورەيا - 11 (2-3-6)

4. يران - 5 (2-2-1)

5. قازاقستان - 4 (1-1-2)

العاشقى كۇنى جالپى 18 ەلدىڭ سپورتشىلارى ماراپاتتارعا يە بولىپ ۇلگەردى.