مينيستر: قازاقستاندا جالپى ىشكى ءونىم ءوسىمى 4 پايىزدى قۇرادى
«قازاقستاننىڭ ەكونوميكالىق دامۋ تراەكتورياسى ورتاشا الەمدىك قارقىنىنان جوعارى ءوسىمدى ساقتاۋدا. بۇل رەتتە، ىشكى ەكونوميكالىق پروتسەستەرگە تۇزەتۋلەر ەنگىزۋى مۇمكىن الەمدىك ەكونوميكاداعى تاۋەكەلدەر كوبەيدى. اعىمداعى جىلعى قاڭتار-شىلدەنىڭ قورىتىندىسى بويىنشا جالپى ىشكى ءونىمنىڭ ءوسۋى 4 پايىزدى قۇرادى. ەكونوميكانىڭ وسۋىنە ينفلياتسيالىق قىسىمنىڭ تومەندەۋى، جوعارى ينۆەستيتسيالىق بەلسەندىلىك جانە ەكونوميكانىڭ نەگىزگى سالالارىندا وڭ ديناميكانىڭ ساقتالۋى نەگىزگى يمپۋلس بەردى. ينفلياتسيا ەڭ تومەن ءۇش جىلدىق دەڭگەيدە ساقتالادى. جىل باسىنان بەرى ول 2,7 پايىزدى، بۇل رەتتە جىلدىق ينفلياتسيا 5,9 پايىزدى قۇرادى»، - دەدى مينيستر قاڭتار-شىلدەدەگى الەۋمەتتىك-ەكونوميكالىق دامۋ قورىتىندىلارى تۋرالى بايانداماسىندا.
ت. سۇلەيمەنوۆتىڭ سوزىنە قاراعاندا، اعىمداعى جىلعى 1- تامىزداعى جاعداي بويىنشا ەلدىڭ حالىقارالىق رەزەرۆتەرى 87,7 ميلليارد ا ق ش دوللارىن، ونىڭ ىشىندە ۇلتتىق قوردىڭ اكتيۆتەرى - 56,8 ميلليارد ا ق ش دوللارىن، ۆاليۋتالىق رەزەرۆتەرى - 30,9 ميلليارد ا ق ش دوللارىن قامتىدى.