+7 (701) 759 90 19 Лента
8 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

پاۆلودار وبلىسىندا سۋارمالى ەگىنشىلىكتىڭ اۋماعى 4 ەسە ۇلعايادى

10 تامىز 22:06 367
:ءبولىسۋ
پاۆلودار وبلىسىندا سۋارمالى ەگىنشىلىكتىڭ اۋماعى 4 ەسە ۇلعايادى

پاۆلودار. قازاقپارات - پاۆلودار وبلىسىنىڭ اكىمى بولات باقاۋوۆ اقسۋ اۋىلىندا وتكىزگەن كوشپەلى جيىن بارىسىندا اگرارلىق قىزمەتكەرلەرگە رەسپۋبليكاداعى سۋارمالى ەگىنشىلىكتى دامىتۋدىڭ 5 جىلعا ارنالعان سىنامالى كەشەندى جوسپارىن تانىستىردى، دەپ حابارلايدى pavlodarnews.kz.

كەڭەس ەۆگەنۆكا اۋىلدىق وكرۋگىندە ورنالاسقان سۋارمالى ەگىنشىلىكتىڭ ارقاسىندا وبلىستاعى استىق كوپ بەرەتىن «تيمۋر» شارۋا قوجالىعى نەگىزىندە ءوتتى.

بۇگىن «تيمۋر» شارۋا قوجالىعى پايدالاناتىن ەكى مىڭ گەكتاردىڭ 850 گەكتار جەرى سۋارىلۋدا.


پاۆلودار وبلىسىندا سۋارمالى ەگىنشىلىكتىڭ اۋماعى 4 ەسە ۇلعايادى


پاۆلودار وبلىسىندا سۋارمالى ەگىنشىلىكتىڭ اۋماعى 4 ەسە ۇلعايادى

مۇنداعى كارتوپ تۇراقتى تۇردە ءبىر گەكتاردان 450-500 سەنتنەر ءونىم بەرەدى، سابىزدەن مىڭ تسەنتر ونىمگە دەيىن بارادى. 2011 -جىلى شارۋاشىلىق 250 ميلليون تەڭگەگە كوكونىس ساقتاۋ قويماسىن اشتى. كەيىنگى ەكى جىل ىشىندە قوسىمشا 5 مىڭ تونناعا توڭازىتقىش پەن ءسابىزدى جۋىپ، جينايتىن سەح ىسكە قوسىلدى. بۇگىندە ساقتاۋدىڭ جالپى سىيىمدىلىعى - 8 مىڭ توننا كارتوپ پەن 5 مىڭ توننا ءسابىزدى قۇرايدى. سوڭعى جەتى جىل ىشىندە شارۋاشىلىق ءوز دامۋىنا شامامەن 2,5 ميلليارد تەڭگە سالدى.

«پاۆلودار وبلىسىن ونەركاسىپتىك ءوڭىر دەپ سانايدى، الايدا بىزدە اگرارلىق سەكتور دا دامۋدا. وبلىستا 1,2 ميلليون گەكتار جەرگە ءارتۇرلى داقىلدار ەگىلەدى. مىسال رەتىندە ەرتىس اۋدانىنىڭ ەڭ جاقسى جەرلەرىنە 60 مىڭ گەكتار استىق ەگەتىن جانە اقسۋ اۋىلىندا مىڭ گەكتاردى سۋاراتىن كاسىپورىندى ايتۋعا بولادى. ەكونوميكا بىردەي. مۇنى شارۋا قوجالىقتارىنىڭ باسشىلارى مەن ءىسىن ەندى باستاپ كەلە جاتقان فەرمەرلەرگە تۇسىندىردىك. ءبىز سۋارمالى ەگىنشىلىكتىڭ 5 جىلعا ارنالعان كەشەندى دامۋ جوسپارىن جاسادىق. بۇل قازاقستانداعى سىناق جوبا بولايىن دەپ تۇر»، - دەدى بولات باقاۋوۆ.


پاۆلودار وبلىسىندا سۋارمالى ەگىنشىلىكتىڭ اۋماعى 4 ەسە ۇلعايادى

ايتا كەتۋ كەرەك، اقسۋ اۋىلىندا سۋارمالى ەگىنشىلىكتى دامىتۋ ءۇشىن بارلىق جاعداي جاسالعان. بويىنان ەرتىس پەن بەلايا وزەندەرى اعىپ وتەدى، سونداي-اق ەرتىس- قاراعاندى كانالى بار.


باستى سوزدەر: ايماق,
:ءبولىسۋ
ونلاين قىزمەتكەرلەر
مۇراعات