سينوپتيكتەر 4 وبلىستا ەسكەرتۋ جاريالادى

استانا. قازاقپارات - قازاقستاننىڭ بىرنەشە وبلىسىندا ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

سينوپتيكتەردىڭ اقپاراتى بويىنشا، 18 -شىلدە كۇنى تۇندە اقتوبە وبلىسىنىڭ كەي جەرلەرىندە قاتتى جاڭبىر جاۋىپ، وڭتۇستىك- شىعىستان سوققان جەلدىڭ جىلدامدىعى 18 م/س بولادى. كەي جەرلەردە نايزاعاي ويناۋى مۇمكىن.

اقتوبەدە 18 -شىلدەدە جاڭبىر جاۋىپ، نايزاعاي وينايدى.

18-20 -شىلدە كۇندەرى كۇندىز جامبىل وبلىسىندا 38 گرادۋسقا دەيىن ىستىق بولۋى ىقتيمال.

18 -شىلدە كۇنى كۇندىز قىزىلوردا وبلىسىنىڭ كوپ بولىگىندە 42 گرادۋسقا دەيىنگى قاتتى ىستىق بولادى. كەي جەرلەردە تاڭەرتەڭ جانە كۇندىز سولتۇستىك- شىعىس، شىعىستان جەل سوعىپ، ونىڭ جىلدامدىعى 15-20 م/س- كە جەتەدى. شاڭدى داۋىل تۇرادى.

18 -شىلدەدە كۇندىز قوستاناي وبلىسىنىڭ كەي جەرلەرىندە نايزاعاي ويناپ، وڭتۇستىك- شىعىستان جىلدامدىعى 15-20 م/س ەكپىندە جەل سوعادى. اۋا تەمپەراتۋراسى 36 گرادۋسقا دەيىن كوتەرىلەدى.