جۋرناليستيكانى 4 جىل وقۋدىڭ قاجەتى جوق - ەرلان ساعاديەۆ

استانا. قازاقپارات - جۋرناليستيكانى 4 جىل وقۋدىڭ قاجەتى جوق.

بۇل تۋرالى بۇگىن مەديا ءبىلىم بەرۋدى دامىتۋ ماسەلەلەرى جونىندەگى ۆەدومستۆوارالىق كەڭەستە ق ر ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى قازاقپارات ءتىلشىسى.

«مەن جۋرناليستيكانى 4 جىل وقۋدىڭ قاجەتى جوق دەيتىندەرمەن كەلىسەتىن شىعارمىن. مەنىڭشە، ەڭ ءبىرىنشى كەزەكتە ءوزىڭ جازاتىن سالانىڭ مامانى بولۋعا ءتيىسسىڭ. ەگەر سەن مەديتسينا تۋرالى جازاتىن بولساڭ، وندا دارىگەر بولعانىڭ، ەكونوميكانى جازساڭ ەكونوميست، بانكير ودان كەيىن جۋرناليست بولعانىڭ جاقسى. جۋرناليستكە ەكونوميكا تۋرالى جازۋدى، اقپاراتتى قالاي دۇرىس بەرۋ كەرەكتىگىن ۇيرەتۋ ەكونوميستكە قاراعاندا الدەقايدا قيىن»، - دەدى مينيستر.

ونىڭ ايتۋىنشا، سوندىقتان دا قازىرگى ۋاقىتتا قارالىپ جاتقان جاڭا زاڭ جوباسىنا ەكى ماسەلە قاراستىرىلعان.

«ءبىرىنشىسى، ەندىگى ۋاقىتتا 4 جىل وقۋ مىندەتتى ەمەس. 2,5 جىل نەمەسە 8 جىل، قالاعانىڭشا وقۋعا بولادى. ماسەلە سەنىڭ كرەديتتىڭ بەلگىلى ءبىر سانىن جيناعانىڭا بايلانىستى. ەكىنشىدەن، ەگەر سەن ەكونوميست بولساڭ ەكىنشى ماماندىعىڭ جۋرناليستيكا بولاتىن جۇيە ەنگىزىلەدى، ياعني، ءبىز ءبارىن ەسكەردىك، ەندىگى ءىس جوعارى وقۋ ورىندارىنا قالىپ وتىر. ولار ءپانارالىق باعدارلاما قۇرۋى ءتيىس. مىنە سول كەزدە سالانى تۇسىنەتىن، ساراپتاما جاساي الاتىن، جالپى سالانىڭ مامانى بولاتىن جۋرناليستەر پايدا بولا باستايدى»، - دەدى ەرلان ساعاديەۆ.