قازاقستان پورتىندا شەتەلدىك 4 كەمەنىڭ جۇمىسى توقتاتىلدى

None
None
 استانا. قازاقپارات - 6-14 - مامىر ارالىعىندا اقتاۋ جانە باۋتينو تەڭىز پورتىنىڭ اكىمشىلىكتەرى قۇرعاق جۇك كەمەلەرىن پايدالانۋ قاۋىپسىزدىگىن قامتاماسىز ەتۋگە باعىتتالعان اۋقىمدى تەكسەرىس جۇرگىزدى، دەپ حابارلايدى قازاقپارات.

ق ر ينۆەستيتسيالار جانە دامۋ مينيسترلىگى باسپا ءسوز قىزمەتىنىڭ مالىمەتىنشە، تەكسەرۋ باراسىندا قازاقستان، رەسەي، ازەربايجان جانە يران ەلدەرىنىڭ 53 قۇرعاق جۇك تاسيتىن كەمەسى قارالعان.

 ونىڭ ناتيجەسىندە انىقتالعان اقاۋلاردى جويعانعا دەيىن 4 كەمەنىڭ، ياعني، يراننىڭ 3 كەمەسى مەن رەسەيدىڭ 1 كەمەسىنىڭ جۇمىسى توقتاتىلدى.

نەگىزگى اقاۋلار مەن تالاپتاردىڭ ورىندالماۋىنا مىنالار جاتقىزىلدى: ناۆيگاتسيالىق، ورتكە قارسى قۇرالداردىڭ، راديو قۇرالدارىنىڭ اقاۋلارى، جۇك تريۋمى ەسىكتەرى سۋ وتكىزىپ قويۋى، كەمە ورنىقتىلىعىنا قويىلاتىن تالاپتاردىڭ ساقتالماۋى، كەمە مەن جابدىقتاردىڭ كورروزياسى، كەمە جۋرنالدارىنىڭ حالىقارالىق كونۆەنتسيالار تالاپتارىنا ساي بولماۋى، ەكيپاج ديپلومدارى مەن كۋالىكتەرىنىڭ لاۋازىمدارىنا ساي بولماۋى.

 سونىمەن بىرگە، يراننىڭ 5 كەمەسىنە پورتتان كەتكەنگە دەيىن ەسكەرتۋلەردى جويۋعا نۇسقاۋ بەرىلدى. ەسكەرتۋلەر ەكيپاج قۇرامىنىڭ قۇزىرەتىنە قاتىستى بولدى.

اقتاۋ پورتى مەن باۋتينو تەڭىز اكىمشىلىگى وسى ەلدەردىڭ تەڭىز پورتى بيلىگىنە حالىقارالىق كەمە ءجۇزۋ قاۋىپسىزدىگىنە قويىلاتىن تالاپتارعا ساي كەلمەيتىن كەمەلەردى جىبەرمەۋ جونىندە شارالار قابىلداۋ تۋرالى حات جولدايدى.

سوڭعى جاڭالىقتار