ۆيتسە- پرەمەرگە 4 كەلىلىك سالەمدەمەلەر جەتكىزەتىن دروندار كورسەتىلدى
ارنايى اپپارات 200 مەتر بيىكتىككە دەيىن كوتەرىلىپ، 15 مينۋت شاماسىندا سالەمدەمەنى شارتتى جەرگە جەتكىزدى.
سىناقتان ءساتتى وتكەن جاعدايدا دروندار 4 كەلىگە جۋىق سالماعى بار كوررەسپوندەنتسيالاردى قازاقستاننىڭ شالعاي اۋداندارىنا جەتكىزەتىن بولادى.
«بىلتىر شالعاي اۋداندارعا سالەمدەمە جەتكىزۋگە مۇمكىندىك بەرەتىن ارنايى درونداردى ىسكە قوسقان بولاتىنبىز. وسى تەحنولوگيالاردىڭ ارقاسىندا الىس اۋىلدارعا 1600 كەلىگە جۋىق گازەت- جورنال كۇنبە- كۇن جەتكىزىلىپ تۇردى. بۇل دروندار 20000 شاقىرىمعا جۋىق قاشىقتىققا ۇشىپ ۇلگەردى. ەندى بيىلدان باستاپ بىردەن 4 كەلى جۇك كوتەرە الاتىن درونداردى تەستىلەپ جاتىرمىز. جاڭا دروندار ءبىر باعىتتا 70 كيلومەترگە دەيىن ۇشا الادى»، - دەدى «قازپوشتا» ا ق باسقارما ءتوراعاسى ساكەن سارسەنوۆ.
ونىڭ ايتۋىنشا، بۇرىن شالعاي اۋىلدارعا سالەمدەمە جەتكىزۋ ءۇشىن ارنايى كولىك پەن جۇمىسشى جالداۋ كەرەك بولسا، ەندى بۇل شىعىندارعا كەتكەن قارجىنى سيفرلاندىرۋ باعىتىنا جۇمساۋعا مۇمكىندىك تۋدى.
ۆيتسە- مينيستر زاماناۋي جەتكىزۋ تەحنولوگياسىن جوعارى باعالادى.
«بۇل تەحنولوگيالار «سيفرلى قازاقستان» باعدارلاماسى اياسىندا وتە ماڭىزدى. سەبەبى، الىستاعى تۇرعىندارعا جاڭا مەرزىمدى باسىلىمداردىڭ كۇنبە- كۇن جەتىپ تۇرعانى وتە قاجەت. جوبا وتە جاقسى. جەتكىزۋ ۋاقىتىن، جول شىعىندارىن ۇنەمدەۋگە بولادى»، - دەدى ا. جۇماعالييەۆ.
«قازپوشتا» ا ق باسقارما ءتوراعاسى ساكەن سارسەنوۆتىڭ ايتۋىنشا، ازىرگە قازاقستاندا الماتى، قاراعاندى، اقمولا، وقو وڭىرلەرىنەن 30 اۋىل سالەمدەمەلەردى درون ارقىلى الىپ وتىر.
جىل سوڭىنا دەيىن 159 ەلدى مەكەندى قامتۋ جوسپاردا بار.
سونىمەن قاتار، ۆيسە- پرەمەر اسقار جۇماعاليەۆ قازپوشتانىڭ الماتىداعى سيفرلىق وفيسىندە بولدى. مۇندا ۆيتسە- ءمينيستردىڭ دەلەگاتسياسى جاساندى ينتەللەكەت تەحنولوگياسىمەن تانىستى.
اسقار جۇماعاليەۆتىڭ توراعالىعىمەن ەلەكتروندى كوممەرتسيا نەمەسە بلوكچەين تەحنولوگياسىن پايدالانۋ تۋرالى جيىن وتپەك.
وتىرىس بارىسىندا ق ر ۇلتتىق بانكىنىڭ قىسقا نوتتاردى ورنالاستىرۋدىڭ«Invest Online» باعدارلاماسى تۋرالى ايتىلادى.
اۆتور: گۇلميرا عوسمانالي