نۇرسۇلتان نازاربايەۆ پەن شي جينپيننىڭ قاتىسۋىمەن 4 قۇجاتقا قول قويىلدى
كەزدەسۋدىڭ قورىتىندىسىندا ەكى مەملەكەت باسشىسىنىڭ قاتىسۋىمەن 4 كەلىسىمگە قول قويىلدى.
اتاپ ايتقاندا، قازاقستان رەسپۋبليكاسى ۇكىمەتى مەن قىتاي حالىق رەسپۋبليكاسى ۇكىمەتى اراسىنداعى 2004 -جىلعى 17 - مامىرداعى ق ر- ق ح ر ىنتىماقتاستىعى جونىندەگى كوميتەت قۇرۋ تۋرالى كەلىسىمگە قوسىمشالار ەنگىزۋ تۋرالى حاتتاما راسىمدەلدى. قۇجاتقا قازاقستان تاراپىنان ەلىمىزدىڭ سىرتقى ىستەر ءمينيسترى ەرلان ىدىرىسوۆ پەن قىتاي تاراپىنان ق ح ر سىرتقى ىستەر ءمينيسترى ۆان ي قول قويدى.
ق ر ۇلتتىق ەكونوميكا ءمينيسترى قۋاندىق بيشىمبايەۆ پەن ق ح ر دامۋ جانە رەفورمالار جونىندەگى مەملەكەتتىك كوميتەتىنىڭ ءتوراعاسى شيۋي شاوشي «نۇرلى جول» مەن «جىبەك جولى ەكونوميكالىق بەلدەۋى» باعدارلامالارىن تۇيىندەستىرۋ جونىندەگى ىنتىماقتاستىق جوسپارىن راسىمدەدى.
ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا مەن ق ح ر ساپاعا قاداعالاۋ جاساۋ، ينسپەكتسيا جانە كارانتين باس باسقارماسىنىڭ باسشىسى چجي شۋپين ەكى ەلدىڭ ۆەدومستۆولارى اراسىندا قىتايعا قازاقستاننان ەكسپورتتالاتىن جىلقىلارعا قويىلاتىن كارانتين جانە ساۋلىق تالاپتارى بويىنشا جانە قازاقستان رەسپۋبليكاسىنا قىتاي حالىق رەسپۋبليكاسىنا سويا داقىلدارىن ەكسپورتتاۋ ءۇشىن فيتوسانيتارلىق تالاپتار بويىنشا ق ر اۋىل شارۋاشىلىعى مينيسترلىگى مەن ق ح ر ساپاعا قاداعالاۋ جاساۋ، ينسپەكتسيا جانە كارانتين باس باسقارماسىنىڭ اراسىنداعى حاتتامالاردى بەكىتتى.
ايتا كەتەيىك، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ 4-5 قىركۇيەكتە حاڭجوۋدا وتەتىن G-20 سامميتىنە قاتىسۋ ءۇشىن قىتايعا كەلدى. سونىمەن قاتار مەملەكەت باسشىسىنىڭ سامميت اياسىندا دەلەگاتسيالار باسشىلارىمەن كەلىسسوزدەر وتكىزۋى جوسپارلانعان.
اۆتور: مارلان جيەمباي