الپاۋىت 4 مەملەكەتتىڭ مەكتەپتەرىندەگى ەرەجەلەر

نۇر-سۇلتان. قازاقپارات - ا ق ش، قىتاي، جاپونيا، انگليا باستاۋىش ءبىلىم بەرۋ جۇيەلەرىندە قانداي ايىرماشىلىقتار بار؟ بالا ساناسىن، دۇنيەتانىمىن قالاي تاربيەلەپ، قالاي جەتىلدىرەدى؟ وسى سۇراقتارعا نازار سالىپ كورەيىك.

انگليا «باستاۋىش مەكتەپ وقۋشىلارى ەرەجەسى»:

قاۋىپسىز ەرجەتۋ تابىسقا جەتۋدەن ماڭىزدى؛

جەيدە جانە ءىش كيىممەن جاسىرىلعان جەرلەردى باسقالاردىڭ ۇستاۋىنا (قول سالۋىنا) قاتاڭ تىيىم سالىنادى؛

ءومىر - ءبىرىنشى، مال- دۇنيە - ەكىنشى؛

كىشكەنتاي قۇپياڭىزدى اناڭىزعا ايتىپ بەرىڭىز؛

بەيتانىس كىسى بەرگەن سۋسىندى ىشپەڭىز، ءتاتتىنى جەمەڭىز؛

بەيتانىس ادامدارمەن سويلەسپەڭىز؛

قاۋىپ-قاتەرگە جولىققاندا اينەكتى شاعىپ جىبەرۋىڭىزگە نەمەسە ءۇي جيھازدارىن قۇلاتىپ جىبەرۋىڭىزگە بولادى؛

قاتەرگە جولىققاندا الدىمەن ءوزىڭىز قاشا بەرۋىڭىزگە بولادى؛

جامان ادامداردىڭ قۇپياسىن ساقتاماڭىز؛

جامان ادامداردى الداۋىڭىزعا بولادى.

قىتاي ەلىنىڭ «باستاۋىش مەكتەپ وقۋشىلارى ەرەجەسى»:

وتاندى ءسۇيۋ، حالىقتى ءسۇيۋ، كومۋنيستىك پارتيانى ءسۇيۋ؛

زاڭعا مويىنسۇنۋ، زاڭ تانىمىن ءوسىرۋ، مەكتەپ ءتارتىپ-تۇزىمىنە مويىنۇسىنۋ، ادامي قاعيدالارعا بويسىنۋ؛

عىلىمدى ءسۇيۋ، تىرىسا ۇيرەنۋ، قوعامدىق شارالار مەن مادەني شارالارعا بەلسەندى قاتىسۋ؛

ءومىردى قادىرلەۋ، قاۋىپسىزدىككە كوڭىل ءبولۋ، سپورتپەن اينالىسۋ، تازالىققا ءمان بەرۋ؛

ءوزىن قادىرلەۋ، ءوزىن قۇدىرەتتەندىرۋ، سالاۋاتتى ءومىر سالتىن ۇستانۋ، مادەني-رۋحاني ساۋلىققا ءمان بەرۋ؛

ەڭبەكتى قىزۋ ءسۇيۋ، ۇنەمشىل بولۋ، قاراپايىم بولۋ، ءوزى ىستەي الاتىن جۇمىستاردى ءوزى ىستەۋ؛

اتا-انانى قۇرمەتتەۋ، ۇستازدارىن قۇرمەتتەۋ، ادەپتى بولۋ؛

ۇجىمدى ءسۇيۋ، سىنىپتاستارمەن ىنتىماقتا بولۋ، ءوزارا كومەكتەسۋ، باسقالارعا كوڭىل ءبولۋ؛

شىنشىل بولۋ، ءسوزى مەن ءىسى بىردەي بولۋ، قاتەلىك جاساعان ساتتە ونى تۇزەتۋ، جاۋاپكەرشىلىكتى سەزىنۋ؛

تابيعاتتى ءسۇيۋ، قورشاعان ورتانى قورعاۋ.

جاپونيا «باستاۋىش مەكتەپ وقۋشىلارىنىڭ قاعيداسى»:

مەكتەپتەن كەشىكپەۋ، مەكتەپتەن قول ۇزبەۋ؛

كوپشىلىكتىڭ جينالۋىنا ارنالعان دابىل قاعىلعاندا بەلگىلەنگەن ورىنعا جينالۋ جانە رەتتى ءتىزىلىپ تۇرۋ؛

دارىسكە كىرۋ قوڭىراۋى سوعىلعاندا ءوز ورىنىنا جايعاسۋ، مۇعالىمدى كۇتۋ؛

كەشىككەن، ەرتە قايتقان، كەلە الماعان جاعداي بولسا، ۇستازىنا سەبەبىن انىق ايتۋ، شارۋاسى شىقسا رۇقسات سۇراۋ؛

مەكتەپتەن قايتۋ ۋاقىتىنا قۇرمەتپەن قاراۋ، مەكتەپتە قالۋ ۋاقىتى ۇزارسا مۇعالىمنەن رۇقسات سۇراۋ؛

مەكتەپكە كەلۋ مەن كەتۋ جولى بەلگىلەنگەن باعىتتارمەن (لينيامەن) عانا ءجۇرۋ، وڭ جاقتا ءجۇرۋ، بەيباستاق جۇرمەۋ، ۇساق-تۇيەك جەمەكتىكتەردى ساتىپ الماۋ؛

جەر سىلكىنۋ، وت اپاتتارىندا ساسقالاقتاماۋ، ۇستازدىڭ كورسەتۋىمەن تەز قيمىلداۋ.

ا ق ش «باستاۋىش مەكتەپ وقۋشىلارىنىڭ ەرەجەسى»:

مۇعالىمدى لاۋازىمىمەن نەمەسە فاميلياسىمەن اتاۋ؛

ءدارىسحانادا ءوز ۋاقىتىندا نەمەسە ءسال ەرتەرەك بولۋ؛

سۇراق سۇراۋ كەرەك بولسا قول كوتەرىپ رۇقسات سۇراۋ؛

مۇعالىممەن ورنىڭىزدان تۇرىپ نەمەسە وتىرىپ سويلەسۋ ءوز ەركىڭىزدە؛

دارىسكە قاتىسا الماعان ۋاقىتتارىڭىزدا كەم قالعان دارىستەردىڭ ءبارىن تولىقتاۋ، بۇل بارىستا وقۋشى ءوز سىنىپتاستارىنان كومەك سۇراۋىنا بولادى؛

ەگەر شۇعىل جاعداي بولسا، مەكتەپتەن كەتىپ قالۋىنا بولادى؛

بارلىق ءۇي تاپسىرماسىن مىندەتتى تۇردە ءوزى ورىنداۋ كەرەك؛

ەمتيحاندا كوشىرۋگە بولمايدى؛

ەگەر ساباقتان قينالساڭىز، مۇعالىممەن كەلىسىپ، ودان كومەك سۇراۋىڭىزعا بولادى، ۇستاز سىزگە قۋانا-قۋانا كومەكتەسەدى؛

ءارقانداي كەشىگۋ نەمەسە دارىستەن قالۋ جاعدايىندا اتا-انانىڭ رۇقسات سۇراۋ حاتى بولۋ كەرەك؛

اۋىرىپ قالعاندا، ۇيىندە كەلەڭسىزدىكتەر ورىن العاندا، ءدىني مەرەكەلەردە دارىستەن قالۋىنا بولادى، ودان باسقا سەبەپتەرمەن دارىستەن قالۋعا بولمايدى؛

ۇستاز سۇراق سۇراعاندا، ول ءمالىم ءبىر ادامدى جاۋاپ بەرۋگە شاقىرماعان جاعدايدا، سۇراقتىڭ جاۋابىن بىلەتىن بارلىق ادام قولدارىن كوتەرۋىنە بولادى.

ءسىزدىڭ باۋىر-قارىنداسىڭىز مەكتەپتە وقىپ جۇرگەن بولسا، ءسىز ولارعا قايسى ەرەجەنى ۇسىنار ەدىڭىز؟

دايىنداعان: مەيىرجان اۋەلحان ۇلى

massaget.kz