الماتىدا 49 جاستاعى ايەل ونىنشى قاباتتان سەكىرىپ، مەرت بولدى

الماتى. قازاقپارات - الماتىدا ايەل 10-قاباتتىڭ تەرەزەسىنەن سەكىرىپ، قازا تاپتى، دەپ حابارلايدى قازاقپارات ءتىلشىسى.

وقيعا ورنىنان تۇسىرىلگەن ۆيدەو الەۋمەتتىك جەلىدە تارادى.

«تولە بي كوشەسىنىڭ بويىندا، سايران كولىنىڭ جانىندا. ءبىر قىز تەرەزەدەن سەكىرىپ كەتتى. وقيعا ورنىندا كرميناليستەر جۇمىس ىستەپ جاتىر» دەپ جازدى جەلى قولدانۋشىسى.

قالالىق پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، ايەل 10- قاباتتا ورنالاسقان پاتەردىڭ تەرەزەسىنەن سەكىرىپ كەتكەن. بۇل وقيعا 3-مامىردا الماتى قالاسىنىڭ المالى اۋدانىندا ورنالاسقان تۇرعىن ءۇي كەشەندەرىنىڭ بىرىندە بولعان.

«1972 -جىلى تۋعان ايەل پسيحونيەۆرولوگيالىق ديسپانسەردە ەسەپتە تۇرعان. اتالعان فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 105-بابى بويىنشا تىركەلدى. وقيعانىڭ ءمان- جايى انىقتالىپ جاتىر» دەپ حابارلادى پوليسيادان.