+7 (701) 759 90 19 Лента
17 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

قىتايدا تايفۋن قۇرباندارىنىڭ سانى 49 ادامعا جەتتى

13 تامىز 22:10 67
:ءبولىسۋ
قىتايدا تايفۋن قۇرباندارىنىڭ سانى 49 ادامعا جەتتى

بەيجىڭ. شينحۋا - قازاقپارات - قىتاي شىعىسىنداعى چجەتسزيان، شاندۋن جانە انحوي پروۆينتسيالارىنا تونگەن «لەكيما» تايفۋنى 49 ادامنىڭ ءومىرىن قيدى.

تاعى 21 ادام حابار- وشارسىز كەتكەن، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

«لەكيما» تايفۋنى قۇرلىققا الاپات داۋىل مەن نوسەر الا كەلگەن.

دۇيسەنبى تاڭىنداعى مالىمەت بويىنشا قازا تاپقاندار سانى 39 عا جەتىپ، 9 ادام حابار-وشارسىز كەتكەن.

بيىل قىتايعا كەلگەن توعىزىنشى تايفۋننان چجەتسزيان پروۆينتسياسىنىڭ 6,68 ميلليون تۇرعىنى زارداپ شەكتى. سونىڭ 1,26 ميلليونى ەۆاكۋاتسيالانعان. 234 مىڭ گەكتار ەگىنگە زاقىم كەلدى. كەلتىرىلگەن زالال كولەمى 24,22 ميلليارد يۋاننىڭ (شامامەن 3,4 ميلليارد دوللار) اينالاسىندا.

«لەكيما» قىتايدىڭ شىعىس جاعالاۋىنا سەنبى كۇنى تاڭعى 1:45 تە جەتكەن. شاندۋن پروۆينتسياسىنىڭ تسينداو جاعالاۋىنا جەكسەنبى كۇنى 8:50 دە جەتتى. مۇندا اپات سالدارىنان 5 ادام قازا تاۋىپ، 7 ادام حابار-وشارسىز كەتكەن، 1,66 ميلليون ادام زارداپ شەكتى، پروۆينتسيانىڭ 183,8 مىڭ تۇرعىنى قاۋىپسىز جەرگە كوشىرىلگەن.

شاندۋندا تولاسسىز جاۋعان نوسەر مەن داۋىل سالدارىنان 175,4 مىڭ گەكتار ەگىستىك القابىنا زاقىم كەلىپ، 609 ءۇي قيراعان. بيلىك 1,48 ميلليارد يۋان ەكونوميكالىق زالال كەلدى دەپ ەسەپتەپ وتىر. پروۆينتسيانىڭ ۆەيفان قالاسىندا ورتاشا جاۋىن-شاشىن مولشەرى 217,5 م م- گە جەتكەن.

انحويدا 4 ادام قازا تاپتى. 130 مىڭنان استام زارداپ شەگىپ، 20 مىڭى ەۆاكۋاتسيالانعان.

مۇندا دۇيسەنبىدەگى مالىمەت بويىنشا، 364 ءۇي تولىقتاي قيراپ، تاعى 439 ىنا ايتارلىقتاي زاقىم كەلگەن. 6 مىڭ گەكتار ەگىستىك القابى تىپ-تيپىل بولدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات