داريعا نازاربايەۆا ت م د پ ا ا 49 - پلەنارلىق وتىرىسىنا قاتىستى
شارانىڭ كۇنتارتىبىندە ت م د- عا مۇشە مەملەكەتتەردىڭ پارلامەنتتىك ولشەمىندەگى ءوزارا ىقپالداستىقتىڭ ءبىرقاتار وزەكتى ماسەلەلەرىن قاراۋ جانە تالقىلاۋ بولدى.
پارلامەنتشىلەر ت م د پ ا ا تۇراقتى كوميسسيالارى ازىرگەلەن 11 مودەلدىك زاڭنامالىق اكتى مەن ۇسىنىستاردىڭ جوبالارىن قارادى. ولار: قۇقىقتىق ماسەلەلەر جونىندەگى «يپوتەكا تۋرالى» ، «مۇرا ەتىپ الۋ قۇقىعى تۋرالى» ، «ادۆوكاتۋرا جانە ادۆوكات قىزمەتى تۋرالى» ، «سوت- ساراپتاما قىزمەتى تۋرالى» مودەلدىك زاڭدارى؛ قورعانىس جانە قاۋىپسىزدىك ماسەلەلەرى جونىندەگى «ازاماتتىق قورعانىس تۋرالى» مودەلدىك زاڭى؛ ەكونوميكا جانە قارجى جونىندەگى «باعانى بەلگىلەۋ تۋرالى» مودەلدىك زاڭى مەن ت م د- عا قاتىسۋشى مەملەكەتتەر ءۇشىن ىشكى سۋ كولىگى مودەلدىك كودەكسى؛ ءبىلىم بەرۋ جانە عىلىم جونىندەگى «عىلىمي- تەحنيكالىق اقپارات تۋرالى» مودەلدىك زاڭىنىڭ جاڭا رەداكسياسى مەن «نانوتەحنولوگيالار ادەبى تۋرالى» ۇسىنىستار.
شاراعا ت م د پ ا ا- داعى پارلامەنتتىك دەلەگاتسيالاردىڭ باسشىلارى، دوستاستىق ەلدەرى زاڭ شىعارۋ ورگاندارىنىڭ وكىلدەرى، ت م د پ ا ا تۇراقتى كوميسسيالارىنىڭ مۇشەلەرى، دوستاستىقتىڭ سالالىق ورگاندارىنىڭ، ۇلتتىق اتقارۋشى بيلىك ورگاندارىنىڭ وكىلدەرى، عالىمدار، ساراپشىلار قاتىستى.
اۆتور: مەدەت احمەتوۆ