تەڭىزگە ىققان جاسوسپىرىم 49 كۇننەن كەيىن قۇتقارىلدى
جاسوسپىرىم بالىق اۋلاۋعا ارنالعان ستاتسيونارلىق توردا جۇمىس ىستەگەن. ول لاشىقتا بالىقتاردى قىزىقتىراتىن جارىقتىڭ جانىپ تۇرۋىن قاداعالاعان.
شىلدەدە قاتتى داۋىل سالدارىنان ونىڭ شاعىن كەمەسى تەڭىزگە ىعىپ كەتكەن. ول سۋلاۆەسي ارالىنان الدەقايدا الىسقا كەتىپ قالعان. يندونەزيالىققا قولدا بار تاماعى بىرنەشە كۇنگە عانا جەتكەن. ول اشتىق پەن شولدەن ءولىپ قالماس ءۇشىن بالىق اۋلاپ، كەمەنىڭ بولىكتەرىن جاققان جانە تەڭىز سۋىن ىشكەن. ول سۋدىڭ تۇزدىلىعىن كەتىرۋ ءۇشىن كيىمىنەن وتكىزگەن.
وساكاداعى يندونەزيا كونسۋلدىعى مالىمدەگەندەي، ونىڭ جانىنان 10 كەمە ەلەمەي وتە شىققان. اشىق تەڭىزدە وتكىزگەن 49- كۇنى جاس جىگىتتى جاپونياعا بەت العان پاناما تۋىنىڭ استىنداعى جۇك تاسيتىن كەمە بايقاپ قالعان. ابىروي بولعاندا، اديلانگ راديوسيگنال جىبەرىپ، ەكيپاجدىڭ نازارىن وزىنە اۋدارادى. ونى جاپونياعا جەتكىزىپ، كەيىن يندونەزيا كونسۋلدىعىنا تاپسىرعان.