قازاق فيلمدەگى ءورت: 48 ميلليون تەڭگە شىعىن كەلگەن
كينوستۋديا پوليتسيانىڭ ورتكە قاتىستى سوتقا دەيىنگى تەرگەۋ جۇرگىزىپ جاتقاندىعى تۋرالى حابارلادى.
«قازاق فيلم الماتى قالالىق ءى ءى د- ندە «قازاق فيلم» كينوستۋدياسىنداعى ءورت شىعۋ فاكتىسى بويىنشا قىلمىستىق ءىس قوزعالعانىن حابارلايمىز. بۇل توتەنشە جاعداي الماتى قالاسى اكىمىنىڭ، ق ر ىشكى ىستەر ءمينيسترى مەن مادەنيەت جانە سپورت ءمينيسترىنىڭ ءجىتى باقىلاۋىندا. سونداي-اق، كينوستۋديا اكىمشىلىگى ىشكى تەكسەرۋ جۇمىستارىن جۇرگىزىپ جاتىر. بەلگىلى بولعانداي ەڭ الدىمەن ءورت ورمان قويماسىنىڭ اشىق اۋماعىندا باستالعان. شامامەن 20 مينۋتتان كەيىن «قازاق حاندىعى» تاريحي فيلمى ءۇشىن جاسالعان «شايبان شاحتىڭ ىشكى اۋلاسىنان» ءورت شىققان. بۇل اعاش قۇرىلىم العاشقى وشاقتان 300 مەتر قاشىقتىقتا ورنالاسقان. وت شىققان قويمادا جانعىش ماتەريالداردىڭ بولماۋى مەن وعان ەلەكتر توعىنىڭ تارتىلماۋى ءورتتىڭ وزدىگىنەن شىعۋ فاكتىسىن جوققا شىعارادى»، - دەپ جازىلعان كينوستۋديانىڭ Instagram-داعى پاراقشاسىندا.
قازىرگى ۋاقىتتا ءورتتىڭ الدىن الا شىعىنى 48981130 تەڭگەنى قۇرايدى. ەسەپتەۋلەر جالعاسۋدا.
ەسكە سالساق، 14- تامىزدا قازاق فيلم عيماراتى ورتكە وراندى. الماتى اكىمى «قازاق فيلمدە» ءورتتىڭ شىعۋ سەبەبىن انىقتاۋدى تاپسىردى.
«قازاق فيلم» كينوستۋدياسىندا بولعان توتەنشە جاعدايعا بايلانىستى ق ر مادەنيەت جانە سپورت ءمينيسترىنىڭ قاتىسۋىمەن جيىن ءوتتى.