+7 (701) 759 90 19
-6 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

تۇركىستان وبلىسىندا جىل سوڭىنا دەيىن 48 مەكتەپ پايدالانۋعا بەرىلەدى

13 تامىز 08:26
:ءبولىسۋ
تۇركىستان وبلىسىندا جىل سوڭىنا دەيىن 48 مەكتەپ پايدالانۋعا بەرىلەدى

تۇركىستان. قازاقپارات - تۇركىستان وبلىسىندا جاڭا وقۋ جىلىندا وقۋشىلاردىڭ %92 قاشىقتان وقىتۋ فورماتىندا ءبىلىم الادى.

بۇل تۋرالى وبلىس اكىمى ءومىرزاق شوكەيەۆ وڭىرلىك كوممۋنيكاتسيالار قىزمەتىندە ونلاين رەجيمدە وتكەن بريفينگتە ءمالىم ەتتى، دەپ حابارلايدى قازاقپارات ءتىلشىسى.

ايماق باسشىسى سونداي-اق، وڭىردە ەپيدەميولوگيالىق جاعداي تۇراقتانعانىن جەتكىزدى. ەگەر وبلىستىڭ باس سانيتار دارىگەرى رۇقسات بەرگەن جاعدايدا بالالار سانى 180 نەن اسپايتىن شالعايدا ورنالاسقان شاعىن-جيناقى مەكتەپتەردىڭ وقۋشىلارى ءداستۇرلى تۇردە وقيتىن بولادى. بۇگىندە وبلىستا مۇنداي 139 شاعىن مەكتەپ پەن وندا وقيتىن 12 مىڭنان اسا وقۋشى بار.

ءومىرزاق ەستاي ۇلىنىڭ سوزىنشە، جەرگىلىكتى اۋدان مەن قالا اكىمدەرى، ءبىلىم باسقارماسى بىرلەسكەن تۇردە بارلىق ءتيىستى قاۋىپسىزدىك شارالارىن قابىلداۋى قاجەت. ەڭ الدىمەن مەكتەپتە مەديتسينالىق قىزمەتكەر كۇنى بويى وقۋشىلاردى باقىلاۋى كەرەك. سانيتايزەرلەر ورناتىلىپ، ءار پارتاعا تەك ءبىر وقۋشىدان وتىرۋى ءتيىس. ال، شالعاي اۋىلدارعا عالامتور جەلىسىن تارتۋ مەن از قامتاماسىز ەتىلگەن وتباسى بالالارىنا كومپيۋتەر بەرۋ، وقۋشىلاردى كىتاپپەن قامتاماسىز ەتۋ شارالارى قولعا الىنادى.

«بۇگىنگى تاڭدا از قامتاماسىز ەتىلگەن وتباسىنان شىققان وقۋشىلاردىڭ كومپيۋتەرلىك تەحنيكاسى جوق. ول ءۇشىن ۇكىمەت تاراپىنان 57 مىڭنان استام كومپيۋتەر اپەرۋ پروتسەسى جۇرۋدە. اتالعان تەحنيكالىق جابدىقتار I توقساننىڭ اياعىنا دەيىن جەتكىزىلەدى. كومپيۋتەرلىك تەحنيكا از قامتاماسىز ەتىلگەن وتباسىنان شىققان ءبىلىم الۋشىلارعا جانە ۇستازدارعا قاشىقتان وقىتۋ كەزىندە پايدالانۋ ءۇشىن ۋاقىتشا بەرىلەتىن بولادى»، - دەدى ءومىرزاق شوكەيەۆ.

ايتا كەتەيىك، وبلىستاعى 838 ەلدى مەكەننىڭ 707 دە ينتەرنەت جانە ۇيالى بايلانىس جۇيەلەرى بار. دەگەنمەن 131 اۋىلدا ءالى كۇنگە ينتەرنەت جەلىسى جوق. بۇل ماسەلەنى وڭتايلى شەشۋ بويىنشا قازاقستاننىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، ۇيالى وپەراتورلار «قازاق تەلەكوم» ا ق- مەن بىرلەسە وتىرىپ، 2 جىلدىق دامىتۋ باعدارلاماسىن دايارلاۋدا.

سونىمەن قاتار وقۋ جىلىنا دايىندىق بارىسىندا وبلىستاعى بارلىق ءبىلىم مەكەمەلەرىنە قاجەت وقۋلىقتاردىڭ %100 قارجىسى تولەنىپ، تاسىمالداۋ جۇمىستارى ۇيىمداستىرىلعان.

25- تامىزعا دەيىن بارلىق وقۋشىلارعا قاجەتتى وقۋلىقتار جەتكىزىلمەك. بۇدان بولەك، جىل سوڭىنا دەيىن 48 مەكتەپ پايدالانۋعا بەرىلەدى دەپ جوسپارلانىپ وتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات