+7 (701) 759 90 19 Лента
14 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

قازاقستاندىق بوكسشى 48 جاستاعى امەريكالىق بوكسشىمەن جەكپە-جەككە شىعادى

24 ءساۋىر 19:07 281
:ءبولىسۋ
قازاقستاندىق بوكسشى 48 جاستاعى امەريكالىق بوكسشىمەن جەكپە-جەككە شىعادى

نۇر-سۇلتان. قازاقپارات - جەڭىلىپ كورمەگەن قازاقستاندىق كاسىپقوي بوكسشى يۆان دىچكو (7-0, 7كو) 10 -مامىر كۇنى گولليۆۋدتاعى (ا ق ش، فلوريدا شتاتى)Seminole Hard Rock Hotel and Casino كەشەنىندە ايقاس وتكىزەتىن بولدى، دەپ حابارلايدى قازاقپارات ءتىلشىسى.

قازاقستان كاسىپقوي بوكسى فەدەراتسياسىنىڭ ۆكونتاكتەدەگى پاراقشاسىندا حابارلانىپ وتىرعانداي، 28 جاستاعى يۆاننىڭ قارسىلاسى - 48 جاستاعى امەريكالىق رەي وستين (29-9-4، 18ك و). ايقاس التى راۋندقا ەسەپتەلىپ وتىر.

اتالمىش كەشتىڭ «جەڭىلمەگەندەر كەشى» دەپ اتالۋى تەگىن ەمەس. سەبەبى، ول كۇنى Seminole Hard Rock Hotel and Casino كەشەنىندە جەڭىلىپ كورمەگەن 7 بوكسشى شارشى الاڭعا شىعادى.

ءوزىنىڭ سوڭعى ايقاسىن يۆان دىچكو وتكەن جىلدىڭ شىلدە ايىندا وتكىزىپ، امەريكالىق موريس ءحارريستى العاشقى راۋندتا نوكاۋتقا جىبەرگەن ەدى.

ەسكە سالا كەتسەك، وسىدان ءبىر اپتا بۇرىن اۋىر سالماقتاعى قازاقستاندىق كاسىپقوي بوكسشى يۆان دىچكو (7-0، 7 ك و) WBA، WBO جانە IBF نۇسقالارى بويىنشا الەم چەمپيونى ەنتوني دجوشۋانى (22-0، 21 ك و) ايقاسقا شاقىرعان ەدى. قازاقستاندىق بوكسشى بۇل قادامعا دجوشۋانىڭ قارسىلاسى دجارەلل ميللەردىڭ (23-0-1، 20 ك و) دوپينگ- تەستتەن وتپەي قالۋى سەبەپ بولعان ەدى.

 


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
مۇراعات