ەلجان ءبىرتانوۆ: قازاقستانعا كەلگەن 488 مىڭ ادام تەكسەرىلدى، كوروناۆيرۋس تىركەلگەن جوق
«6- قاڭتاردان باستاپ ءتۇرلى شارالار قابىلدانىپ، 1- اقپاننان باستاپ ول شارالار كۇشەيتىلدى. بۇگىنگى كۇننەن باستاپ ارنايى باس سانيتارلىق دارىگەردىڭ شەشىمى قابىلدانىپ، قوسىمشا سانيتارلىق-ەپيدەميالىق شارالار كۇشەيتىلدى. جالپى ءبىزدىڭ ەڭ ءبىرىنشى ماقسات - قازاقستان رەسپۋبليكاسىنىڭ مەملەكەتتىك شەكاراسىنا كەلىپ جاتقان ازاماتتاردىڭ دەنساۋلىعىن تەكسەرىپ، باقىلاۋعا الۋ. 6- اقپاننان باستاپ 488 مىڭنان استام ازامات (قازاقستاندىق، ىشىندە شەتەلدىكتە دە بار) قازاقستانعا كەلدى. ولاردىڭ ءبارىن ءبىز شەكارادا جاعدايىن تەكسەرىپ، تەمپەراتۋراسىن ولشەپ قاراپ وتىرمىز. انكەتا تولتىرىلۋدا»، - دەدى دەدى ەلجان ءبىرتانوۆ ەلوردادا وتكەن باسپا ءسوز ءماسليحاتىندا.
مينيستر سولاردىڭ اراسىندا 175 ناۋقاس جاتقىزىلىپ، ەمدەلىپ شىققانىن ايتىپ ءوتتى. ولار ءتۇرلى ينفەكتسيالىق رەسپيراتورلىق اۋرۋلار بولعاننان كەيىن كوروناۆيرۋستىق ينفەكتسياعا تەكسەرىلىپ، 160 ى شىعارىلعان.
«ءبىراق ولاردا كوروناۆيرۋستىق ينفەكتسيا تابىلعان جوق. سونىمەن ازاماتتار ەلگە كەلگەننەن كەيىن ءبىزدىڭ ارنايى مەديتسينالىق قىزمەتكەرلەر ءبارىن مونيترينگىگە الىپ وتىرادى. ال جالپى ق ح ر- دان كەلگەن 24 مىڭ ازاماتتى مونيتورينگىلەۋگە العانبىز. قازىر 23647 مونيتورينگ شىعارىلدى. 14 كۇننەن سوڭ جاعدايى جاقسارعاننان كەيىن ولاردى شىعارامىز»، - دەدى ول.