قازاقستاندا ءبىر كومپانيانىڭ 47 قىزمەتكەرىنەن كوروناۆيرۋس تابىلدى
ب ق و سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستايەۆتىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي، ءبورلى اۋدانىندا بوناتتي س. پ. ا. كومپانياسى قازاقستاندىق فيليالى قىزمەتكەرلەرى اراسىندا ۆاحتالىق اۋىسىمنان شىعۋ الدىنداعى سكرينينگ كەزىندە 47 ادامنان سيمپتومسىز ىندەت انىقتالدى.
ءبورلى اۋدانىندا بيىلعى جىل باسىنان بەرى اۋىرعاندار سانى 100 گە جەتكەن. وسىعان وراي ءبورلى اۋدانى باس مەملەكەتتىك سانيتار دارىگەرىنىڭ 13-قاڭتارداعى قاۋلىسىمەن شەكتەۋ شارالارى كۇشەيتىلدى.
اتاپ ايتقاندا، قوعامدىق تاماقتاندىرۋ جانە باسقا كوپشىلىك ورىنداردا سانيتارلىق- دەزينفەكسيالىق رەجىمنىڭ ساقتالۋىن باقىلاۋ كۇشەيتىلىپ، مەملەكەتتىك ورگاندار قىزمەتكەرلەرىنىڭ 80 پايىزى قاشىقتان جۇمىس ىستەۋگە كوشىرىلدى. سول سەكىلدى جانىبەك اۋدانى بورسى اۋىلدىق وكرۋگىندە 8 ادام ىندەت جۇقتىرعان. سوندىقتان كوروناۆيرۋس جۇقپاسىن ودان ءارى تاراتپاۋ ماقساتىندا بورسى اۋىلىندا كارانتيندىك شەكتەۋ شارالارى كۇشەيتىلىپ، بلوكپوست قويىلدى.
سونداي- اق ورال قالاسىندا 1 بالاباقشا تاربيەلەنۋشىسىنىڭ كوروناۆيرۋس جۇقتىرعانى تىركەلدى. ورال قالاسى باس مەملەكەتتىك سانيتار دارىگەرى مىندەتىن اتقارۋشىنىڭ قاۋلىسىمەن كارانتين بەلگىلەنىپ، بالاباقشا توبىنىڭ قىزمەتى توقتاتىلدى. بايلانىستا بولعان 18 ادام (15 تاربيەلەنۋشى مەن 3 بالاباقشا قىزمەتكەرى) مەديتسينالىق باقىلاۋعا الىندى.
نۇرلىبەك ەرمەك ۇلىنىڭ سوزىنە قاراعاندا، جىل باسىنان بەرى وڭىردە 572 ادامنىڭ سىرقاتتانعانى انىقتالدى. 1-قاڭتاردان باستاپ وبلىس بويىنشا بارلىعى 24645 پ ت ر زەرتتەۋ جۇرگىزىلدى، ورتاشا ەسەپپەن تاۋلىگىنە 3400 گە دەيىن زەرتتەۋ جۇرگىزىلەدى. زەرتحانالاردىڭ قۋاتتىلىعى تاۋلىگىنە 6000 زەرتتەۋگە دەيىن جەتەدى.
«قاڭتار ايىندا مەملەكەتتىك شەكارادان بارلىعى 6882 ادام ءوتتى. 2079 جولاۋشىنىڭ 227 سىندە انىقتاما بولعان جوق. 214 ادام كارانتيندىك ستاتسيونارعا جاتقىزىلىپ، ەكەۋىنەن ىندەت تابىلدى. حالىقارالىق جۇك تاسىمالىمەن اينالىساتىن 3015 جۇرگىزۋشىنىڭ انىقتاماسى جوق 995 ىنەن الىنعان سىناما كوروناۆيرۋس جوقتىعىن كورسەتتى»، دەدى ن. مۇستايەۆ.
ەسكە سالا كەتەيىك، بۇدان بۇرىن ب ق و- نىڭ بايتەرەك اۋدانىندا كارانتيندىك شارالار كۇشەيتىلگەنىن جازعان بولاتىنبىز.