الماتى وبلىسىندا ۇ ب ت كەزىندە ەرەجە بۇزعان 47 تۇلەك تەستىلەۋدەن شىعارىلدى
وبلىستا ۇ ب ت وتكىزەتىن 16 پۋنكت جۇمىس ىستەيدى. جاھاندى جايلاعان كوروناۆيرۋس ينفەكتسياسىنا بايلانىستى ۇ ب ت وتكىزىلەتىن ءاربىر پۋنكتە مەديتسينالىق-سانيتارلىق نورمالارعا سايكەس بارلىق سىناقتان وتۋشىلەر زالالسىزداندىرۋدىڭ 5 كەزەڭىنەن وتەدى.
«ءبىلىم سىناعىن تاۋەلسىز ساراپشىلار قاداعالايدى. ونىڭ قۇرامىندا ارنايى مونيتورينگ توبىنىڭ مۇشەلەرى، قوعام قايراتكەرلەرى، ۇكىمەتتىك ەمەس ۇيىم وكىلدەرى بار»، - دەيدى وبلىستىق ءبىلىم باسقارماسىنىڭ باسشىسى مايگۇل وماروۆا.
ۇ ب ت وتكىزىلگەن ءۇش كۇندە 4093 وقۋشى تەستكە قاتىسۋعا ءوتىنىش بەرگەن. ونىڭ 98 ءى تەستەن وتۋدەن باس تارتسا، 15 ءى سىرقاتتانىپ قالعان. ءۇش كۇننىڭ ىشىندە سىناق تاپسىرۋشىلاردىڭ 47 ءسى ەرەجە بۇزعان. وسىلايشا ولار تەستەن شەتتەتىلگەن.
سوڭعى ءۇش كۇننىڭ ىشىندە 3933 وقۋشى ءبىلىم سىناعىنان وتكەن. ماۋسىم ايىندا تەستىلەۋگە كىرگىزىلمەگەن، نەمەسە ۇ ب ت ناتيجەلەرى جويىلعان بولسا تۇلەك قاڭتار ايىندا ەكىنشى مارتە سىناقتان وتە الادى.
شەكتى بال جيناعان جاعدايدا تۇلەك ج و و- نا اقىلى نەگىزدە وقۋعا تۇسە الادى.