كوروناۆيرۋس انىقتالعان ىلە تۇرعىنىمەن بايلانىستا بولعان 47 ادام وقشاۋلاندى

تالدىقورعان. قازاقپارات - بۇگىن الماتى وبلىسىنىڭ ىلە اۋدانىندا كوروناۆيرۋس جۇقتىرعان تاعى ءبىر ادام انىقتالدى.

ول 47 اداممەن قارىم- قاتىناستا بولعان، دەپ حابارلايدى قازاقپارات ءتىلشىسى.

الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، ولاردىڭ 34 نىڭ اناليزى تەرىس ناتيجە كورسەتتى. ەپيدەميولوگيالىق تەكسەرۋ جالعاسىپ جاتىر. ال 1988 -جىلعى ناۋقاستان ىندەت پروفيلاكتيكالىق تەكسەرۋ كەزىندە انىقتالعان. قازىر ونىمەن قارىم-قاتىناس جاساعان 47 ادامنىڭ بارلىعى وقشاۋلاندى. ناۋقاس قازىر قاراساي اۋداندىق ورتالىق اۋرۋحاناسىنىڭ ينفەكسيالىق بولىمىنە جاتقىزىلدى.

ايتا كەتەيىك، وسى ساعاتتا الماتى وبلىسىندا كوروناۆيرۋسپەن اۋىرعاندار سانى 114 كە جەتتى. 10 ادام ىندەتتەن جازىلىپ شىقتى.

اۆتور: سامال قابىشەۆا