پاتەردى جالعا بەرۋ اقىسى 47,2 پايىزعا ءوستى - ستاتيستيكا
بۇل تۋرالى ۇلتتىق ستاتيستيكا بيۋروسى ءمالىم ەتتى، دەپ حابارلايدى قازاقپارات.
ستاتيستيكا بيۋروسىنىڭ مالىمەتتەرىنە سۇيەنسەك، وتكەن ايدا تۇرعىن ءۇيدىڭ ءبىر شارشى مەترى ءۇشىن جالداۋ اقىسى - ورتا ەسەپپەن 4612 تەڭگە بولدى، ال ءبىر اي بۇرىن ول - 4029 تەڭگە مولشەرىندە بولعان.
رەسپۋبليكالىق دەڭگەيدەن باعا تەك الماتى قالاسىندا جوعارى - 5611 ت گ/م2. باسپانانى جالعا بەرۋ باعاسى، سونداي-اق استانا جانە اقتاۋ قالالارىندا قىمبات، شارشى مەترىنە - تيىسىنشە 4485 جانە 3253 تەڭگەدەن.
جالعا بەرىلەتىن تۇرعىن ءۇيدىڭ ەڭ تومەنگى باعاسى قىزىلوردا (1797 ت گ/م2)، تاراز (1809 ت ت/م2) جانە جەزقازعان (1845 ت گ/م2) قالالارىندا تىركەلگەن.
تۇرعىن ءۇيدى جالعا الۋ باعاسى ءبىر ايدىڭ ىشىندە قوستاناي قالاسىندا ايتارلىقتاي قىمباتتادى، بىردەن 42,6 پايىزعا. باعا قارقىندى تۇردە پەتروپاۆل قالاسىندا دا ءوستى - 27 پايىز. باعا ءوسىمىنىڭ ۇشتىگىندە قاراعاندى قالاسى دا بار، وندا قىركۇيەك ايىندا تۇرعىن ءۇيدى جالعا الۋ باعاسى تامىزبەن سالىستىرعاندا 21 پايىزعا ءوستى.
تۇرعىن ءۇيدى جالعا الۋ باعاسى تۇركىستان (0,6 پايىز)، تالدىقورعان (3,5 پايىز)، شىمكەنت (3,9 پايىز) جانە قىزىلوردا (4,3 پايىز) قالالارىندا بولماشى مولشەردە ءوستى.